ރާއްޖޭގައި މިހާރު މަސައްކަތް ކުރައްވާ ހަމައެކަނި ދިވެހި ނިއުރޯސާޖަން ޑރ. އަލީ ނިޔާފް އިއްޔެ ވަނީ އެބޭފުޅާގެ 1000 ވަނަ މޭޖަރ ސާޖަރީ ފުރިހަމަ ކުރައްވާފައެވެ.

އޭޑީކޭގައި ގިނަ ދުވަސްތަކެއްވަންދެން މަސައްކަތް ކުރައްވަމުންދާ އެ ހޮސްޕިޓަލުގެ ސީނިއާ ޑރ. ނިޔާފްގެ މި ކާމިޔާބީ ފާހަގަކުރައްވައި އަނބިކަބަލުން އަރްޝީ ހަލީލް ވަނީ ޓްވީޓް ކުރައްވާފަ އެވެ. މި ޓްވީޓްގައި ފިރިކަލުންގެ ކާމިޔާބީ ފާހަގަކުރައްވައި ޑރ. ނިޔާފް އަށާއި އަދި އޭޑީކޭގައި މަސައްކަތް ކުރައްވައި ޓީމަށް މަރުހަބާ ވަނީ ދަންނަވާފައެވެ.

Congratulations husband @aliniyaf and team at @ADKHospital . Maldivian ‘one man neurosurgery army’ as I like to call it for reaching this huge milestone. You’ve already crossed over 1,700 surgeries but this is a THOUSAND MAJOR surgeries you crossed yesterday. (1/5) pic.twitter.com/ihpjs0OGfX

— Arshi Khaleel (@ArshiKhaleel) July 4, 2020

ދިވެހިންގެ ތެރޭގައި ނާރުގެ ބަލިތަކަށް އެންމެ މަޝްހޫރު ޑރ. ނިޔާފް ވަނީ މިހާތަނަށް ޖުމްލަ 1،700އަށްވުރެ ގިނަ ސާޖަރީ ކުރައްވާފައެވެ. އޭގެތެރޭގައި ބޮޑެތި ސާޖަރީތަކުން ފެށިގެން ކުދިކުދި ސާޖަރީތައްވެސް ހިމެނެއެވެ. އިއްޔެ ޑރ. ނިޔާފް ފުރިހަމަކުރައްވާފައިވަނީ ބޮޑެތި ސާޖަރީތަކުގެ 1000 ވަނަ ސާޖަރީ އެވެ.

ޑރ. ނިޔާފްގެ އިތުރުން އެކުގައި މަސައްކަތް ކުރައްވާ ނިއުރޯސާޖަންސް ކަމަށްވާ ޑރ. ރާމް، ޑރ. ޗަންދްރާ އަދި ޑރ. ކިރަންއަށްވެސް ނިޔާފްގެ އަނބިކަބަލުން ވަނީ ތައުރީފު ކުރައްވާފައެވެ. އަދި ކޮންމެ ސާޖަރީއެއް ކުރުމަށް ހޭދަވާ ވަގުތާއި ނަގާ ރިސްކަކީ ދުލުން ބުނެލަން ފަސޭހަވި ނަމަވެސް، އެއަށްވުރެ ބިރުވެރި އަދި ވަރުބަލިކަމަކާއި އެތައް ޗެލެންޖެއް ކުރިމަތިވާ ކަމެއްކަން އަރުޝީ ވަނީ ފާހަގަކުރައްވާފަ އެވެ.

ރާއްޖޭގައި އެންމެ ހިދުމަތް ރަނގަޅު އެއް ހޮސްޕިޓަލް ކަމަށްވާ އޭޑީކޭ ހޮސްޕިޓަލްގެ މެނޭޖިން ޑިރެކްޓަރ އަހްމަދު އައްފާލްގެ ނަޒަރުގައި ޑރ. ނިޔާފަކީ މަސައްކަތްތަށް ވަރަށް ޑެޑިކޭޓިވް އަދި ކަމާއިވެގެން މަސައްކަތް ކުރައްވާ ޑޮކްޓަރެކެވެ. އެހެންކަމުން ޑރ. ނިޔާފްގެ މި ކާމިޔާބީގެ ސިއްރަކީ ވެސް މި ޑެޑިކޭޝަން ކަމަށް ޤަބޫލުފުޅުކުރައްވާކަމަށް އައްފާލް ވަނީ ވިދާޅުވެފަ އެވެ.

ޑރ. ނިޔާފްއަށް އެޕޮއިންޓްމަންޓް އެއް ހޯދަން ތަންކޮޅެއް އުނދަގޫވި ނަމަވެސް ހަގީގަތުގައި ޑރ. ނިޔާފަކީ އަބަދުވެސް ބަލިމީހުންނާއި އަދި އާއިލާތަކާއި ވަރަށް ގާތް ގުޅުމެއް ބާއްވާ ޑޮކްޓަރެކެވެ. އެކަން އައްފާލް ވެސް ވަނީ ފާހަގަކުރައްވާފަ އެވެ.

އެގޮތުން އެއްފަހަރު ޑރ. ނިޔާފަށް އެޕޮއިންޓްމަންޓެއް ލިބިއްޖެނަމަ ދެވަނަ ފަހަރަށްވެސް ފަސޭހައިން ނިޔާފް އާއި ގުޅޭނެގޮތް ހަމަޖައްސަވައިދެއްވާ ކަމަށް ވަރަށް ގިނަ ބަލިމީހުންވެސް އެއްބަސް ވެއެވެ.

"ޑރ. ނިޔާފް އަކީ ވަރަށް ކުރިއެރުން ހޯދަން މަސައްކަތްކުރާ އަދި މެނޭޖްމަންޓާއި ވަރަށް ބޮޑަށް ގުޅިގެން މަސައްކަތްކުރާ ޑޮކްޓަރެއް" އައްފާލު ވިދާޅުވިއެވެ.

ޑރ. ނިޔާފްގެ އިސްނެގުމުގެ ދަށުން މިހާތަނަށް އޭޑީކޭގައި ވަނީ 1000 މޭޖަރ ސާޖަރީ ކޮށްފައެވެ. އޭގެތެރެއިން ބޮޑު އިންސައްތައެއް ހިއްސާކުރަނީ 50/50ގެ ޗާންސް އޮންނަ ސާޖަރީތަކެވެ. އެހެންނަމަވެސް ވަގުތުގެ ނާޒުކުކަމާއެކުވެސް ޑރ. ނިޔާފްގެ މަސައްކަތާއި ބަލިމީހުންނާއި ދެމެދު ބާއްވާ ގާތްގުޅުން ގިނަ ދިވެހިންނެއް ވަނީ ބަލައިގެންފަ އެވެ.

އަދި 1000 ވަނަ މޭޖަރ ސާޖަރީއާއެކު އިއްޔެ ޑރ. ނިޔާފް ވަނީ ތާރީހުގެ ތެރެއަށް ވަދެވަޑައިގެންފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް