އޭޑީކޭ ހޮސްޕިޓަލުގައި ކޯވިޑް-19 އަށް ޓެސްޓު ކުރެވޭ ގޮތް ހަދައި ޕީސީއާރް ސިސްޓަމެއް ބަހައްޓައިފިއެވެ.
މިވަގުތު ރާއްޖޭގައި ބައްޔަށް ކުރެވެނީ ދުވާލަކު 400 އެއް ހާ ޓެސްޓެވެ. އެއީ އައިޖީއެމްއެޗް އަދި ފުލުހުންގެ ލެބޯޓްރީއެއްގައެވެ. ނަމަވެސް ސަރުކާރުގެ އަމާޒަކަށް ވެފައިވަނީ މިއަދަދު 1،000 އަށް އިތުރުކުރުމެވެ.
އޭޑީކޭ ޓްރޭޑް އެންޑް ޝިޕިން ކުންފުނިން މިއަދު ކޮށްފައިވާ ޓްވީޓެއްގައި ބުނެފައިވަނީ މިސިސްޓަމް މެދުވެރިކޮށް، ސަރުކާރުން ބޭނުންވާ ގޮތަށް، ދުވާލަކު އެތައް ސަތޭކަ ބަޔަކު ކޮވިޑް-19 އަށް ޓެސްޓުކުރުމުގެ ގާބިލްކަން އިތުރުވެގެންދާނެ ކަމަށެވެ.
Great News: We have installed The Roche LightCycler PCR system at @ADKHospital. This will add several hundred tests per day to the national testing capacity for SARS-CoV-2 (Covid19) over next few days that Maldivian government is looking forward to.#TogetherWeCan #BeatCovid19 pic.twitter.com/xwyVbemgYc
— ADK Trade and Shipping (@ADKTrades) May 13, 2020
މިސިސްޓަމް ބޭނުންކޮށްގެން ދުވާލަކު 500 އަށް ވުރެ ގިނަ ޓެސްޓު ހެދޭނެކަމަށް ކުޑަކުދިންގެ ބަލިތަކަށް ހާއްސަ ޑޮކްޓަރ އަދި އޭޑީކޭ ހޮސްޕިޓަލްގެ ޗީފް މެޑިކަލް އޮފިސަރ، އަބްދުﷲ ނިޔާފް ވަނީ ވިދާޅުވެފައެވެ.
ރާއްޖޭގައި ކޯވިޑް-19 އަށް ޓެސްޓު ކުރެވޭ މިންވަރު އިތުރު ކުރުމަށްޓަކައި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން ކޮވިޑް-19 އަށް ޓެސްޓުކުރަން އޮޓޮމޭޓެޑް މެޝިންތަކެއް ގެނެއުމަށް މަސައްކަތް ވަނީ ފެށިފައެވެ.
މީގެ ކުރިން ޑރ. ޝީނާ މޫސާ ވަނީ ރާއްޖޭގައި ޓެސްޓު ކުރެވޭ މިންވަރު މަދުކަމަށް ވިދާޅުވެ ކަންބޮޑުވުން ފާޅުކުރައްވާފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)