މިދުވަސްވަރު ފެތުރެމުންދާ ނުރައްކާތެރި ކޮރޯނާވައިރަހާއި ގުޅިގެން ފްލޫ މަތިން ހަންދާންނައްތާނުލުމަށް ޑރ. އަބްދުﷲ ނިޔާފް އިލްތިމާސްކޮށްފި އެވެ.
ޗައިނާއިން އުފަންވެފައިވާ ކޮރޯނާވައިރަސް މިހާރު ވަނީ ޔޫރަޕް އަދި މެދު އިރުމައްޗަށް މިސްރާބުޖަހާފަ އެވެ. އަދި އޭގެއިތުރުން މިދުވަސްވަރަކީ އެމެރިކާގައި ފްލޫ ފެތުރެންފަށާފައިވާ ދުވަސްވަރެއްކަން ވެސް ޑރ. ނިޔާފްވަނީ ފާހަގަކުރައްވާފަ އެވެ.
ފްލޫއަކީ އިންފްލުއެންޒާ ވައިރަސްގެ ސަބަބުން އިންސާނާގެ ނޭވާލާ ނިޒާމަށްޖެހޭ ބައްޔެކެވެ. މި ބަލީގެ ސަބަބުން ބައެއް ހާލަތްތަކުގައި ނޭފަތް ކަރު އަދި ބައެއްފަހަރު ފުއްޕާމޭގައި އިންފެކްޝަންސް އުފެދެން މެދުވެރި ވެއެވެ.
Don’t forget the Flu while we prepare for Covid19. It’s been a particularly bad Flu season in US this time around.
— Abdulla Niyaf (@niyaf) February 29, 2020
•Same Covid19 precautions to prevent Flu too.
+ Flu Vaccine (available)
ފްލޫގެ އަލާމާތްތަކުގެ ތެރޭގައި ހިމެނެނީ:
- ހުންއައުން
- ގައިގެ މަސްތަކުގައި އަދި ހުޅުތަކުގައި ގަދަޔަށް ރިހުން
- ވަރުދެރަވުން
- ގައިގެ ހަންގަނޑު ރަތްވުން އަދި ލޮލުން ފެންއައުން
- ހީކެރުވުން
- ބޮލުގައި ރިއްސުން
- ހިކިކޮށް ކެއްސުން
- ކަރުގައި ރިއްސުން އަދި ނޭފަތުން ފެންއައުން
ފްލޫއިން ރައްކާތެރިވުމަށް ކުރެވޭނެ އެންމެ މުހިންމުކަމަކީ ދުރާލާ ފްލޫ ވެކްސިން ޖެހުމެވެ. އަދި މި ވެކްސިން ރާއްޖެއިންވެސް ލިބެންހުރި ކަމަށް ޑރ. ނިޔާފް ވަނީ ވިދާޅުވެފަ އެވެ.
ޑޮކްޓަރ ނިޔާފްގެ ޓްވީޓްގައި ވާގޮތުން ފްލޫ ސީޒަންގެ ގޮތުގައި ފާހަގަކުރެވެނީ ކޮންމެ އަހަރެއްގެވެސް އޭޕްރީލް/މެއި އަދި އޮގަސްޓް ހިސާބެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)