އިންފުލުއެންޒާ ވެކްސިން މިހާރު ލިބޭނެ! ޑޮކްޓަރުންގެ އިލްތިމާސް އަކީ އަވަހަށް ޖެހުން
އިންފުލުއެންޒާ ވެކްސިން އެސްޓީއޯގެ ފާމަސީތަކުން ލިބެން ހުންނާނޭކަމަށް އެސްޓީއޯ އިން ބުނެފި އެވެ.
އެސްޓީއޯއިން ބުދަ ދުވަހު ވަނީ އިންފުލުއެންޒާ ވެކްސިން އައިޖީއެމްއެޗްގައި ހުންނަ އެސްޓީއޯ ފާމަސީ އާއި ހެންވޭރާއި ހުޅުމާލޭގައި ހުންނަ ފާމަސީތަކުން ލިބެން ހުންނާނޭކަމަށް ބުނެފައެވެ.
New Influenza Vaccine - 2020 (Quadrivalent) available now at STO Pharmacies in IGMH, Henveiru & Hulhumale'.
— STO Medical Services (@StoMedical) April 8, 2020
Get your flu shot... protect yourself, protect others. #EmmengeSTO pic.twitter.com/dL3AWC4cd3
އިންފުލުއެންޒާ ވެކްސިން ލިބެން ހުރިކަން އެސްޓީއޯއިން އިއުލާން ކުރުމާއެކު، ބައެއް ޑޮކްޓަރުން ވަނީ ލަސްނުކޮށް ވެކްސިން ޖެހުމަށް އާއްމުންގެ ކިބައިން އެދިފަ އެވެ.
އެގޮތުން ޑރ. އަހުމަދު ފައިސަލް ވިދާޅުވީ 6 މަހުން މަތީގެ އެންމެންނަށް ވެސް ml0.5 ގެ އިންފުލުއެންޒާ ވެކްސިން ޖެހުމަށްޓަކައި، އެކަމަށް އެދޭ ބޭސް ސިޓީއެއް ބޭނުންވާނޭ ކަމަށެވެ. އެގޮތުން ވަކި ހާއްސަ ޑޮކްޓަރެއް ނޫން ނަމަވެސް އެކަމަށް އެދޭ ލިޔުމެއް އޮތްނަމަ ވެކްސިން ދޫކުރާނޭކަމަށް ޑރ. ފައިސަލް ވަނީ ވިދާޅުވެފަ އެވެ.
އިންފުލުއެންޒާ ވެކްސިން ނުޖެހޭނެ ހާލަތްތަކަކީ ގަދަ ހުން ހުރުމާއި، ކުރިން ޖެހި އިންފުލުއެންޒާ ވެކްސިނަށް އެލާޖިކް ވުމެވެ. އަދި ބިހަށް އެލާޖިކް ވިނަމަވެސް އިންފުލުއެންޒާ ވެކްސިން ޖެހޭނެކަމަށް ޑރ ފައިސަލް ވަނީ ވިދާޅުވެފައެވެ. އެކަމަކު އެކަން ޖަހާދޭ މީހުންނަށް އެންގުމަށް ޑރ. ފައިސަލް ވަނީ އިލްތިމާސްކޮށްފަ އެވެ.
6 ހަމަހުން މަތީގެ އެންމެންނަށްވެސް އިންފުލުއެންޒާ ވެކްސިން ޖެހޭނެ އެވެ. އަދި އެއަށްފަހު އެއް އަހަރުވުމުން ނުވަތަ އޭގެކުރިން ވެސް ވެކްސިންގެ ދެވަނަ ބެޗް ނުކުތުމުން ވެކްސިން ޖެހޭނެކަމަށް ޑރ. ފައިސަލް ވަނީ ވިދާޅުވެފަ އެވެ.
މީގެ އިތުރުން ޑރ. އަބްދުﷲ ނިޔާފް އަދި ޑރ. މުހައްމަދު އަލީވެސް ވަނީ އިންފްލުއެންޒާ ވެކްސިން 6 މަހުން މަތީގެ މީހުންނަށް ކޮންމެ އަހަރު ޖެހޭނެކަމަށް ވިދާޅުވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)