މިއަހަރުގެ ޖުލައި މަހުގެ ނިޔަލަށް އިނގިރޭސިވިލާތުގެ 16 އަހަރުން މަތީގެ އެންމެންނަށް ވެކްސިންދީ ނިންމާލެވޭނެކަމަށް އެ ޤައުމުގެ ސަރުކާރުން ހާމަކޮށްފި އެވެ.
ދުނިޔޭގައި އެންމެ ފުރަތަމަ ކޮވިޑް-19 ވެކްސިން ދޭން ފެށި އިނގިރޭސިވިލާތުން މި ކެމްޕޭން ފަށާފައިވަނީ މިދިޔަ އަހަރުގެ ފަހުކޮޅުގަ އެވެ. އަދި އޭރު އެ ޤައުމުން ވަނީ އިނގިރޭސިވިލާތުގެ 17 މިލިޔަން މީހުންގެ އާބާދީއަށް ވެކްސިން ދޭން ނިންމާފައިވާކަމަށް ބުނެފަ އެވެ.
ކޮވިޑް-19 ވެކްސިން ދޭން ފެށިތަނުން އިނގިރޭސިވިލާތުން ވަނީ ވައިރަހުގެ އައު ވޭރިއަންޓެއް ފެނި، ޤައުމުގެ ހާލަތު ގޯސްވެފައެވެ. އެކަމާއި ގުޅިގެން އިނގިރޭސިވިލާތް ވަނީ އަލުން ލޮކްޑައުން ކޮށްފައެވެ.
މީގެކުރިން އިނގިރޭސިވިލާތުން އޮތީ ސެޕްޓެމްބަރު މަހަށް ވެކްސިންގެ ފުރަތަމަ ޑޯޒް ދީ ނިންމުމަށް އަމާޒު ހިފާފައެވެ. އެހެންނަމަވެސް މިހާރު ބޭނުންވަނީ ވީހާވެސް އަވަސް މުއްދަތެއްގައި އެންމެނަށް ވެކްސިންދީ ނިންމުން ކަމަށް ބޮރިސް ޖޯންސަން ވަނީ ވިދާޅުވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)