ރާއްޖޭގައި  މިހާރުއޮތް މީސަލްސް (ހިމަބިހ) އައުޓްބްރޭކާއި ގުޅިގެން ދަމަނަވެށިން ހިމަބިހި ވެކްސިން ޖެހި ކުދިންގެ އަދަދު 189 އަކަށް އަރައފި އެވެ.

ދަމަނަވެށިން އިއްޔެ ނެރުނު ބަޔާނުގައި ވާގޮތުން އެ ސެންޓަރުން ހިމަބިހި ފެތުރުމުގެ ކުރިން ހިމަބިހި ވެކްސިން ޖަހަމުން ދިޔައީ ދުވާލެއްގެ މައްޗަށް އެވްރެޖްކޮށް 10 ކުދިންނަށެވެ. ނަމަވެސް މީސަލްސް އައުޓްބްރޭކް އާއި ގުޅިގެން މިއަދަދު މަތިވެފައިވާކަން ދަމަނަވެށިން ވަނީފާހަގަކޮށްފައެވެ.

އެގޮތުން ފާއިތުވި އާދިއްތަ ދުވަހު އެ ސެންޓަރުން 36 ކުދިންނަށް އެމް.އެމްއާރް ވެކްސިން ޖަހާފައިވާއިރު، ހޯމަ ދުވަހު ވެކްސިން ޖަހާފައިވަނީ 32 ކުދިންނަށެވެ. އެ ސެންޓަރުން އެންމެ ގިނައިން ވެކްސިން ޖަހާފައި އިއްޔެއެވެ. އެއީ 121 ކުދިންނެވެ.

@MoHmv @HPA_MV pic.twitter.com/90oTOcOyR1

— Dhamana Veshi (@DhamanaVeshi) January 14, 2020

ރާއްޖޭގައި ހަލުވިކަމާއެކު ހިމަބިހި ފެތުރެމުންދާއިރު، މިހާތަނަށް ހިމަބިހީގެ ތިން ކޭސްއެއް ރާއްޖެއިން ވަނީ ފެނިފައެވެ. 

މިއާއެކު ސިއްހީ އިދާރާތަކުން ގެންދަނީ މިވަގުތު ހިމަބިހި ވެކްސިން ޖެހުން މުހިއްމު ފަރާތްތައް ކަމަށްވާ 18 އަހަރުން ދަށުގެ ކުދިންގެ ތެރެއިން ހިމަބިހި ވެކްސިންގެ ދެ ޑޯޒް ހަމަނުވާ ކުދިންނާއި، ހިމަބިހި ޖެހުނު މީހުން ދިޔަ ތަންތަން ކަމަށް ބުނާ ތަންތަނަށް އެވަގުތު ޒިޔާރަތްކުރި މީހުންގެ ތެރެއިން ވެކްސިންގެ ދެ ޑޯޒް ހަމަނުވާ އުމުރުން 40 އަހަރުން ދަށުގެ މީހުންނާއި، އަދި ހިމަބިހި ޖެހިފައިވާ މީހުންގެ ވަށައިގެން ދިރިއުޅޭ ދެ ޑޯޒް ހަމަނުވާ ފަރާތްތައް ލަސްނުކޮށް މި ވެކްސިން ޖެހުމަށް އިލްތިމާސް ކޮށްފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް