ހިމަބިއްސަށް އިތުރު މީހަކު ޕޮޒިޓިވްވެފައިވާ ކަމަށް ހެލްތް ޕްޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
8 ފެބްރުއަރީ 2020 ގައި ހިމަ ބިއްސަށް އިތުރު މީހަކު ވަނީ ޕޮސިޓިވް ވެފައެވެ. މިހާތަނަށް ޕޮސިޓިވް ވެފައިވާ ފަރާތްތަކުގެ ޖުމްލަ އަދަދަކީ 9 އެވެ.@MoHmv pic.twitter.com/lhV7N95wUA
— HPA Maldives (@HPA_MV) February 9, 2020
އިއްޔެ ހިމަބިއްސަށް އިތުރުމީހަކު ޕޮޒިޓިވްވުމާއެކު، މިހާތަނަށް ހިމަބިއްސަށް ޕޮޒިޓިވްވި މީހުންގެ އަދަދުވަނީ ނުވައަކަށް އަރާފައެވެ.
އެޗްޕީއޭއިން އިތުރަށް ބުނެފައިވާގޮތުގައި ހިމަބިހި ޖެހިފައިވާ ފަރާތެއް ފެނުމުން ކަނޑައެޅިފައިވާ ގޮތުގެ މަތިން އެ ސަރަހައްދެއްގައި މައުލޫމަތު ދިނުމާއި އިތުރަށް ދެނެގަތުމުގެ އިތުރުން ވެކްސިން ދިނުމުގެ މަސައްކަތް ކުރިއަށް ގެންދެވޭނެ އެވެ.
ނައްތާލިކަން އިއުލާނުކުރި ފަހުން ރާއްޖެއިން އަލުން ހިމަބިހި ފެނިފައިވާއިރު ސަރުކާރުން ވަނީ އެކަމާ ދެކޮޅަށް ވެކްސިން ދޭން ފަށައިފަ އެވެ. އަދި ހެލްތް މިނިސްޓްރީން ފާއިތުވި ހަފްތާގެ ތެރޭގައިވަނީ ރާއްޖޭގެ ހުރިޙާ ހިސާބެއްގައި ހިމަބިއްސާއި ދެކޮޅަށް ވެކްސިން ދިނުމުގެ ޤައުމީ ކެމްޕޭނެއްވެސް ފައްޓާފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)