އާސަންދަ ސްކީމްގެ ހިދުމަތް ފަސޭހަގޮތެއްގައި ފޯރުކޮށްދިނުމަށްޓަކައި އެކުންފުނިން ފަރުމާކޮށްފައިވާ "ވިނަވި" ޕޯޓަލް ހުޅުމާލޭ ހޮސްޕިޓަލްގައި ބޭނުންކުރަން ފަށައިފިއެވެ.
ރައްޖޭގެ ހުރިހާ ސިއްހީ މަރުކަޒެއްގައިވެސް "ވިނަވި" ޕޯޓަލް ބޭނުންކުރަން މިހާރު ފަށާފައިވާއިރު، މި ޕޯޓަލްގެ މަޤްސަދަކީ ލުއިފަސޭހަ ގޮތެއްގައި އާސަންދަ ސްކީމްގެ ހިދުމަތް ރައްޔިތުންނަށް ފޯރުކޮށްދިނުމުގެ އިތުރުން ސްކީމްގެ ހިދުމަތްތައް ދިނުމުގައި ބޭކާރު ހަރަދާއި ކޮރަޕްޝަން ކުޑަކުރުންކަމަށް އާސަންދަ ކުންފުނިން ވަނީ ބުނެފަ އެވެ.
"ވިނަވި" ޕޯޓަލް އިން ލިބޭ ބައެއް ހިދުމަތްތަކުގެ ތެރޭގައި ބަލިމީހާ ޑޮކްޓަރަށް ދައްކާއިރު، ކުރިން ދައްކާފައި ހުރި ޑޮކްޓަރުން ދީފައި ހުރި މެޑިކަލް ލިޔުންތައް ސިސްޓަމްއިން ފެންނަން ހުރުމުގެ އިތުރުން އާސަންދައިގެ ދަށުން ކުރެވޭ ހޭދައިގެ ތަފާސް ހިސާބު ބެލެހެއްޓުން ފަދަ ހިދުމަތްތައް ފާހަގަކޮށްލެވެ އެވެ.
އާސަންދަ ކުންފުނިން ބުނެފައިވާ ގޮތުގައި އެ ކުންފުނިން ވަރަށް އަވަހަށް ކަސްޓަމަރ ޕޯޓަލް އެއްގެ އިތުރުން މޯބައިލް އެޕްލިކޭޝަނެއްވެސް ތައާރަފް ކުރާނެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)