ކޮވިޑް-19 އާއި ގުޅުންހުރި މަލްޓިސިސްޓަމް އިންފްލަމަޓަރީ ސިންޑްރަމް (MIS-C) ރާއްޖޭގައި ދިރިއުޅޭ ކުޑަކުއްޖެއްގެ ގައިން ފެނިފައިވާކަމަށް އައިޖީއެމްއެޗްގެ ކުޑަކުދިންގެ ހާއްސަ ޑރ. އަހުމަދު ފައިސަލް ވިދާޅުވެއްޖެ އެވެ.
އަލަށް ކުޑަކުދިންގެ ކިބައިން ފެނުނު މި ސިންޑަރަމްގެ އަލާމާތްތަކުގެ ތެރޭގައި ކަވަސަކީ ބަލި އަދި ޓޮކްސިކް ޝޮކް ސިންޑަރަމް ހިމެނެ އެވެ. މި ސިންޑްރަމް އެންމެ ފުރަތަމަ ފެނުނު އިނގިރޭސިވިލާތުން ވަނީ (MIS-C) އާއި މިހާރު ފެތުރެމުންދާ ކޮވިޑް-19 އާއި ގުޅުންތަކެއް ވާކަމަށް ބުނެފަ އެވެ.
ރާއްޖެއިން މި ސިންޑްރަމް ފެނިފައިވަނީ އަވައްޓެރި އިންޑިޔާއަށް ނިސްބަތްވާ ކުޑަކުއްޖެގެ ގައިންނެވެ.
🇲🇻އިންވެސް 1 އަހަރުގެ 👶ކަށް MIS-C ޖެހުނު
— Ahmed Faisal (@Faisalnaifaru) June 18, 2020
އެކަމަކު 🇮🇳 ކުއްޖެއް
ޢަލާމާތް ތަކަށް ފެނުނީ 18 ދުވަހު ހުން އައުމާ، ވަރުބަލިވެުން، ތުންފަތާ، ދުލާ ލޯ ރަތްވެ، ބިހި ނަގުން
ކޮވިޑު ޓެސްޓު ނައްސި
ހިތާއި ހިތުގެ ލޭނާރުތަކަށް އަސަރު ކޮށްފައިހުރި
މިހާރު ހުންމަޑުވެ ރަނގަޅުވެއްޖެ، الحمد لله
މަލްޓިސިސްޓަމް އިންފްލަމަޓަރީ ސިންޑްރަމްގެ ގޮތުގައި މި ކުއްޖާގެ ހަށިގަނޑުން ފެނުނު އަލާމާތްތަކުގެ ތެރޭގައި 18 ދުވަސް ވަންދެން ހުން އައުމާއި، ވަރުބަލިވުމާއި، ތުންފަތާއި ދެލޯ ރަތްވެ ބިހި ނެގުން ހިމެނޭކަމަށް ޑރ. ފައިސަލް ވަނީ ވިދާޅުވެފަ އެވެ.
ޑރ. ފައިސަލް ވިދާޅުވީ ކުއްޖާގެ ހުން މިހާރު މަޑުވެފައިވީ ނަމަވެސް، ހިތާއި ހިތުގެ ލޭނާރުތަކަށް އަސަރުކޮށްފައިވާ ކަމަށެވެ.
މަލްޓިސިސްޓަމް އިންފްލަމަޓަރީ ސިންޑްރަމް ފެނުނު މި ކުއްޖާ ކޮވިޑް-19އަށް ވަނީ ނެގެޓިވްވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)