ދިވެހިރާއްޖޭގައި ޤައުމީ އެމްބިއުލާންސް ވިއުގައެއް ޤާއިމްކުރުމަށް ސަރުކާރުން ކުރަމުން އަންނަ މަސައްކަތުގެ ދަށުން 25 ރަށަކަށް ހެލްތް މިނިސްޓްރީން އެމްބިއުލާންސް ހަވާލުކުރަން ފަށައިފި އެވެ.

މި 25 ރަށަށް އެމްބިއުލާންސް ހަވާލުކުރުމާއެކު، މިހާރު ރާއްޖޭގެ ހުރިހާ ރަށަކަށް އެމްބިއުލާންސް ހަމަވާނެ އެވެ

2019 ވަނަ އަހަރުގެ އޮކްޓޫބަރު މަހުގެ ތެރޭގައި ހެލްތް މިނިސްޓްރީއިން މިކަމަށް ބޭއްވި ހާއްސަ ޖަލްސާއެއްގައިވަނީ މި 25 ރަށަށް އެމްބިއުލާންސް ހަވާލުކުރުމުގެ ލިޔުން ހަވާލުކޮށްފައެވެ. އަދި މިހާރު ކުރިއަށްދަނީ އެރަށްތަކަށް އެމްބިއުލާންސް ފޯރުކޮށްދިނުމުގެ މަސައްކަތްކަމަށް ހެލްތް މިނިސްޓްރީގެ އޮފިސަރެއް ވަނީ ވިދާޅުވެފަ އެވެ.

މިހާރު ހަވާލުކުރަމުންދާ 25 އެމްބިއުލާންސްގެ ތެރެއިން 21 އެމްބިއުލާންސަކީ ޖަޕާނުން ހަދިޔާކުރި ޕެރަމެޑިކް (އެމްބިއުލާންސްގެ ތެރޭގައި އަވަސްފަރުވާ ދެވޭގޮތަށް) ހުންނަ އެމްބިއުލާންސް ތަކެކެވެ. އަދި ބާކީ ހަތަރު އެމްބިއުލާންސަކީ އާދައިގެ ބޭސިކް ލައިފް ސަޕޯޓް އެމްބިއުލާންސް އެވެ. އަދި މި ހަތަރު އެމްބިއުލާންސް ފޯރުކޮށްދީފައިވާނީ މިހާރު ރާއްޖޭގައި އެމްބިއުލާންސް ނެތް 4 ރަށަށް ކަމަށްވެސް ހެލްތް މިނިސްޓްރީގެ އޮފިސަރ ވަނީ ވިދާޅުވެފަ އެވެ.

މިދިޔަ އަހަރުގެ އޮކްޓޫބަރުމަހު އެމްބިއުލާންސްގެ ލިޔުން ހަވާލުކުރުމަށް ބޭއްވި ރަސްމިއްޔާތުގައި ހެލްތް މިނިސްޓަރ އަބްދުﷲ އަމީން ވަނީ މަތީ ފެންވަރުގެ އެމްބިއުލާންސްތަކާއެކު، ތަމްރީންތަކަށްވެސް އިސްކަމެއް ދޭނެކަމަށް ވިދާޅުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް