މި ދުވަސްވަރު ކޮންމެ މީހެއްގެވެސް އަމިއްލަ ފަރުދީ ޒިންމާއެއް ކަމަށް ދެކިގެން ރޯގާޖެހިފައި ހުރި ކުއްޖަކު ސްކޫލަށް ނުފޮނުވުމަކީ މުހިއްމު ކަމެއް ކަމަށް ޑރ. މޫސާ ހުސެއިން ވިދާޅުވެއްޖެ އެވެ.

ރާއްޖެއިން ކޮރޮނާވައިރަސް އަށް ޝައްކުކުރެވޭ މީހަކު ފެނުމާއި ގުޅިގެން އެކަމާއި ގުޅޭ މައުލުމާތު ދިނުމަށް ހެލްތް މިނިސްޓްރީއިން ސިލްސިލާކޮށް ބާއްވާ ނޫސްވެރިންގެ ބައްދަލުވުންތަކުގެ ތެރެއިން މިރޭގެ ބައްދަލުވުމުގައި ޑރ. މޫސާ ވިދާޅުވީ މިވަގުތު ކޮރޮނާވައިރަސްއަށް ޔަގީންވާ އެއްވެސް ކޭސްއެއް މިވަގުތު ނެތް ކަމަށެވެ.

އަދި މި ވައިރަހަށް ރާއްޖެއިން ޝައްކުކުރެވުނު މީހާގެ ހާލަތުވެސް ކުރިއަށްވުރެ ރަނގަޅުވަމުން އަންނަކަމަށް ޑޮކްޓަރ ވަނީ ފާހަގަކުރައްވާފަ އެވެ.

ޑރ. މޫސަ އިތުރަށް ވިދާޅުވިގޮތުގައި އަދި މިހާތަނަށް އަހަރުމެން މި ދިރިއުޅޭ މާހައުލުގެ ތެރެއިން އެކަކުގެ ގައިން އަނެކަކުގެ ގަޔަށް ވައިރަސް އަރާނޭ ފަދަ ކަމެއް ފެނިފައިނުވާ ކަމަށެވެ.

އަދި މިފަދަކަމެއް ފާހަގަވާ ވަގުތުން ފެށިގެން ހުރިހާ ރިކޮމެންޑޭޝަންއެއް ތަފާތުވާނޭ ކަމަށާއި، އަދި ސްކޫލްވެސް ބަންދުކުރަން ޖެހިދާނޭކަމަށް ޑޮކްޓަރ ވަނީ ވިދާޅުވެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް