އޯގަނައިޒޭޝަން އޮފް އިސްލާމިކް ކޯޕަރޭޝަން (އޯ.އައި.ސީ)ގެ މެމްބަރު ޤައުމުތަކުގެ ހެލްތް މިނިސްޓަރުންގެ ބައްދަލުވުމުގައި ބައިވެރިވެވަޑައިގަތުމަށް ހެލްތް މިނިސްޓަރު އަބްދުﷲ އަމީން ޔޫއޭއީގެ ވެރިރަށް އަބޫދަބީއަށް ފުރާވަޑައިގެންފި އެވެ.

ޑިސެމްބަރ 16 އިން ފެށިގެން 17ގެ ނިޔަލަށް އަބޫދާބީގައި ބޭއްވުމަށް ހަމަޖެހިފައިވާ މި ބައްދަލުވުމުގެ މައިގަނޑު ޝިއާރެއްގެ ގޮތުގައި ކަނޑައަޅާފައިވަނީ "ފެންވަރު ރަނގަޅު ދިރިއުޅުމެއް" މި ޝިއާރެވެ. 

މި ކޮންފަރެންސްގެ ތެރޭގައި އޯ.އައި.ސީގެ ޤައުމުތަކުގެ މެދުގައި ސިއްހީ ދާއިރާއިން ގުޅުން ބަދަހިކުރާނެއެވެ. އަދި ސިއްހީދާއިރާގައި ހުރި ގޮންޖެހުންތަކާއި، އެކަމުން އަރައިގަތުމަށް އެޅިދާނެ މުހިންމު ފޔަވަޅުތަކާއި ގުޅޭގޮތުން މަޝްވަރާކުރާނެ އެވެ. ހަމައެހެންމެ ސިއްހީ ދާއިރާ ކުރިއެރުވުމަށް އޯ.އައި.ސީގެ އެކިއެކި އިންސްޓިޓިއުޝަންތަކާއި، ބައިނަލްއަޤްވާމީ ޖަމިއްޔާ ޖަމާއަތްތަކުގެ އެހީތެރިކަން ހޯދިދާނެ ކަންކަމާއި ގުޅޭގޮތުންވެސް މަޝްވަރާކުރާނެއެވެ.

ކޮންމެ ދެ އަހަރަކުން އެއް އަހަރު އޯ.އައި.ސީގައި މި ބައްދަލުވުން ބާއްވަމުން އަންނައިރު، މިއީ މި ބައްދަލުވުން ބާއްވަމުން އަންނަތާ 7 ވަނަ އަހަރެވެ. މި ބައްދަލުވުން އެންމެފަހުން ބާއްވާފައިވަނީ 2017 ވަނަ އަހަރުގެ ޑިސެމްބަރުމަހު ސައުދީ އަރަބިއްޔާގެ ޖިއްދާގައެވެ.

ގުޅުންހުރި ލިޔުންތައް

ފަހުގެ ލިޔުންތައް