ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހްގެ ރިޔާސީ ވައުދުތަކުގެ ތެރޭގައި ހިމެނޭ ނަފްސާނީ ބަލީގެ ބައެއް ޚިދުމަތްތަކަށް އާސަންދަދޭން ފަށައިފި އެވެ.
އާސަންދަ ކޮމްޕެނީން ބުނިގޮތުގައި މި ފެށޭ ފެބްރުއަރީ މަހުން ފެށިގެން އަމިއްލަ ކްލިނިކްތަކާއި ހޮސްޕިޓަލްތަކުން ފޯރުކޮށްދޭ ނަފްސާނީ ބަލީގެ ބައެއް ފަރުވާތައް އާސަންދަ ސްކީމުގެ ތެރެއިން ލިބޭނޭ އިންތިޒާމް ހަމަޖެހޭނެ އެވެ.
އޭގެތެރޭގައި ސައިކޮލޮޖިސްޓް ކޮންސަލްޓޭޝަން، ސައިކޮލޮޖިސްޓް އެސެސްމެންޓް އަދި ސައިކޮލޮޖިކަލް ތެރަޕީ އާސަންދަ ސްކީމުގެ ދަށުން ލިބޭނޭ ކަމަށް އެކުންފުނިން ބުންޏެވެ.
މި ސްކީމުގެ ދަށުން އަމިއްލަ ހޮސްޕިޓަލްތަކާއި ކްލިނިކްތަކުން އަހަރަކަށް 5000 ރުފިޔާ ކަނޑައަޅާފައިވާ ކަމަށްވެސް އާސަންދަ ކުންފުނިން ބުނެއެވެ.
ރައީސުލްޖުމްހޫރިއްޔާ އިބްރާހިމް މުޙައްމަދު ސާލިހްގެ ރިޔާސީ ވަޢުދުތަކުގެ ތެރެއިން ނަފްސާނީ ބަލިތަކަށް ޚާއްސަ ކްލިނިކެއް ހުޅުވާ އާސަންދައިގެ ދަށުން ނަފްސާނީ ބަލިތަކަށް ފަރުވާ ލިބޭނޭ އިންތިޒާމު ހަަމަޖެއްސުމަށް ފާއިތުވި 2019 ވަނަ އަހަރުގެ މާރިޗު މަހުގެ 1 ވަނަ ދުވަހު އައިޖީއެމްއެޗުގައި "ސެންޓަރ ފޮރ މެންޓަލް ހެލްތު"ގެ ނަމުގައި ކްލިނިކެއް ވަނީ ހުޅުވާފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)