އައްޑޫ އީކުއެޓޯރިއަލް ހޮސްޕިޓަލު (އޭއީއެޗް)ގައި ފުރަތަމަ ފަހަރަށް ކާމިޔާބު ކަމާއެކު މައިބަދައިގެ އޮޕަރޭޝަނެއް ކޮށްފި އެވެ.
އޭއީއެޗްގައި ކުރިއަށްދިޔަ މި އޮޕަރޭޝަން ކުރުމުގައި ހަރަކާތްތެރިވެފައިވަނީ އައިޖީއެމްއެޗްގެ ސީނިއަރ ކޮންސަލްޓަންޓް އިން އޯތޯޕީޑިކްސް ޑރ. ޔޫސުފް ޝާން އެވެ.
އައްޑޫ އިކުއިޓޯރިއަލް ހޮސްޕިޓަލްގައި ޑރ.ޔޫސުފް ޝާން އާއި ޓީމް މިއަދު ކުރެއްވި 2 މައިބަދައިގެ އޮޕަރޭޝަންވެސް ވަނީ ވަރަށް ކާމިޔާބު ކަމާއިއެކު ނިންމަވާލައްވާފައިއެވެ. @aeh_mv @MoHmv pic.twitter.com/cwwcNChsZ8
— IGMH (@igmhmv) April 14, 2020
އައިޖީއެމްއެޗުން ބުނިގޮތުގައި މިއީ އޭއީއެޗްގައި ކުރާ މައިބަދައިގެ ފުރަތަމަ އޮޕަރޭޝަނަށް ވުމުން، އޮޕަރޭޝަންގެ އެއް ދުވަސްކުރިން އީކުއެޓޯރިއަލް ހޮސްޕިޓަލްގައި މަސައްކަތް ކުރައްވާ އެކަމާއި ގުޅުންހުރި ޑޮކްޓަރުންނާއި ނަރުހުންނަށް ޑރ. ޝާން ތަމްރީން ދެއްވާފައިވާ ކަމަށެވެ.
އަދި ޑރ. ޝާންގެ ޓީމުން މިއަދުކުރި މި މައިބަދައިގެ އޮޕަރޭޝަން ވެސް ވަރަށް ކާމިޔާބުކަމާއެކު ނިންމާލާފައިވާކަމަށް އެ ހޮސްޕިޓަލުން ބުނެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)