ކޯވިޑް-19 އާއި ގުޅިގެން އުމުރުން ދުވަސްވީ މީހުން އާންމު ބަލިތަކުގެ ޑޮކްޓަރުންނަށް ދެއްކުމަށްޓަކައި ދަރުމަވަންތަ ހޮސްޕިޓަލުގައި ޖެނެރަލް މެޑިސިން ކްލިނިކެއް ޤާއިމް ކޮށްފި އެވެ.

އުމުރުން 60 އަހަރުން މަތީގެ މީހުން ޑޮކްޓަރަށް ދެއްކުމަށްޓަކައި ހުޅުވި މި ކްލިނިކް ޤާއިމްކޮށްފައިވަނީ ދަރުމަވަންތަ ހޮސްޕިޓަލުގެ ތިންވަނަ ފަންގިފިލާގަ އެވެ.

އައިޖީއެމްއެޗުން ބުނިގޮތުގައި މި ކްލިނިކްގެ ހިދުމަތްދޭން ހަމަޖެހިފައިވަނީ އޯ.ޕީ.ޑީ ބަންދުނޫން ކޮންމެ ދުވަހެއްގެ ހެނދުނު 09:00 އިން 13:00 އަށެވެ.  އަދި ނަމްބަރު ދޫކުރަމުންދާނީ ހެނދުނު 8:45 ން މެންދުރު 12:00 އަށް ކަމަށްވެސް އެ ހޮސްޕިޓަލުން ވަނީ ބުނެފައެވެ.

އައިޖީއެމްއެޗުންވަނީ މި ފްލޫ ކްލިނިކަށް ޑޮކްޓަރަށް ދައްކަން ބޭނުންވާ ފަރާތްތަކުން ދަރުމަވަންތަ ހޮސްޕިޓަލުގެ 3 ވަނަ ފަންގިފިލާގައި ހުންނަ "އެތެރެހަށީގެ ޑިޕާޓްމަންޓް ކައުންޓަރަށް" ދިއުމުން ޑޮކްޓަރަށް ދެއްކޭނޭ އިންތިޒާމް ހަމަޖެހޭނޭކަމަށް ބުނެފައެވެ.

މި ކްލލިނިކް އަކީ ދުރާލާ އެޕޮއިންޓްމަންޓް ހައްދަންޖެހޭ ކްލިނިކެއް ނޫނެވެ.

ކޯވިޑް-19 އާއި ގުޅިގެން ރާއްޖޭގެ ގިނަ ރަށްތަކެއްގައި ވަނީ ފްލޫ ކްލިނިކްތައް ހުޅުވާފައެވެ. އަދި މިއަދު އައިޖީއެމްއެޗުން ހުޅުވި މި ފްލޫ ކްލިނިކާއެކު މާލޭ ސަރަހައްދުގައި ހުރި ފްލޫ ކްލިނިކްތަކުގެ އަދަދުވަނީ ހަޔަކަށް އަރާފައެވެ.

ގުޅުންހުރި ލިޔުންތައް

ފަހުގެ ލިޔުންތައް