ކަކުލުހުޅު ބަދަލުކުރުމަށް ކުރާ ސާޖަރީގެ 100 ވަނަ ސާޖަރީ ކާމިޔާބުކަމާއެކު މިއަދު އައިޖީއެމްއެޗްގައި ކޮށްފި އެވެ.
އާސަންދަ މެދުވެރިކޮށް ކޮށްފައިވާ މި ސާޖަރީ ކުރުމުގައި ހަރަކާތްތެރިވެފައިވަނީ އައިޖީއެމްއެޗްގެ ތަޖުރިބާކާރު ދެ ޑޮކްޓަރުން ކަމަށްވާ ޑރ.ހުސެއިން ފައިސަލް އާއި ޑރ. އިސްމާއިލް ޒާހިރު އެވެ.
މިކަމާ ގުޅިގެން އައިޖީއެމްއެޗުން އިއްޔެ ނެރުނު ނޫސް ބަޔާނެއްގައި ބުނެފައިވަނީ މިއަދު އައިޖީއެމްއެޗްގައި މި ކުރެވުނު ކަކުޅުހުލު ބަދަލުކުރުމުގެ ސާޖަރީގައި ހަރަކާތްތެރިވެފައިވާ ދެ ޑޮކްޓަރުންނާއި ނައިބު ރައީސް ފައިސަލް ނަސީމް ބައްދަލުކުރައްވާ މަރުހަބާ ވިދާޅުވެފައިވާ ކަމަށެވެ. އަދި މީގެއިތުރުން ކަކުލުހުޅު ބަދަލު ކުރެއްވި ބަލިމީހައާއި ވެސް އެމަނިކުފާނު ބައްދަލުކުރައްވާފައިވާ ކަމަށް މި ނޫސްބަޔާނުގައި ވަނީ ބުނެފަ އެވެ.
އިތުބާރުހުރި ސިއްހީ ނިޒާމެއް ޤާއިމްކުރުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ވެފައިވާ ވައުދުތަކުތަކުގެ ތެރޭގައި ހިމެނޭ މި މަޝްރޫއުގެ ދަށުން މިހާރު ސަރުކާރުގެ ހޮސްޕިޓަލް އައިޖީއެމްއެޗްގެ އިތުރުން އަމިއްލަ ފަރާތްތަކުން ހިންގާ ދެ ހޮސްޕިޓަލް ކަމަށްވާ ޓްރީ ޓޮޕް ހޮސްޕިޓަލް އަދި މެޑިކާ ހޮސްޕިޓަލުންވެސް މިހާރު ހިލޭ ކަކުލު ހުޅު ބަދަލު ކުރުމުގެ ހިދުމަތް ލިބެއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (1)
05/11/2019 07:52