ކޮވިޑްގެ ހާލަތުން އަރައިގަތުމަށް ސަރުކާރުން ކުރާ މަސައްކަތަށް އެހީތެރިވުމުގެ ގޮތުން އަލިފުޅު ތުއްތު ފައުންޑޭޝަނުން 940،000 ޑޮލަރު (14.49 މިލިއަން ރުފިޔާ)ގެ ޕީސީއާރު މެޝިނެއް އައިޖީއެމްއެޗަށް ހަވާލުކޮށް އިންސްޓޯލްކޮށްދީފި އެވެ.

ޕާކިންޕާމާ ބްރޭންޑުގެ ޕީސީއާރް މެޝިނެއް ހަދިޔާކުރުމާ ގުޅިގެން، އައިޖީއެމްއެޗުން ވަނީ އޭފްޓީ ފައުންޑޭޝަނަށް ޝުކުރު އަދާކޮށްފަ އެވެ. އެ ތަކެތި އައިޖީއެމްއެޗާ ހަވާލުކުރީ އެ ހޮސްޕިޓަލުގައި ބޭއްވި ހާއްސަ ރަސްމިއްޔާތެއްގަ އެވެ.

We express our sincere appreciation to @AFT_F and the members, for donating a PerkinElmer PCR machine to IGMH. pic.twitter.com/3Py0bqRhry

— IGMH (@igmhmv) August 18, 2020

އޭއެފްޓީ އިން މިއަދު ނެރުނު ބަޔާނެއްގައި ބުނީ އެ މެޝިނާ އެކު، ކޮވިޑް-19 އިން ރާއްޖެ އަރައިގަތުމަށް ސަރުކާރުން ކުރާ މަސައްކަތަށް އެހީއަކަށް ވާނެ ކަމަށް އުންމީދު ކުރާ ކަމަށެވެ. 

ޕީސީއާރް މެޝިނަކީ ފަސޭހަކަމާ އެކު ޑީއެންއޭ ނުވަތަ ޑީއެންއޭގެ ބައެއް ޑުޕްލިކޭޓްކުރަން ބޭނުންކުރާ މެޝިނެކެވެ. ވަރަށް ކުޑަ ސާމްޕަލްއެއް ބޭނުންކޮށްގެން ވެސް ގިނަ ޑުޕްލިކޭޓްތަކެއް އެ މެޝިނުން ހެދެ އެވެ. މިއީ ހޮސްޕިޓަލްތަކުގެ މެޑިކަލް ލެބްތަކުގަ އާއި ރިސާޗް ލެބްތަކުގައި އާންމުކޮށް ބޭނުންކުރާ ބާވަތުގެ މެޝިނެކެވެ.

އަލިފުޅު ތުއްތު ފައުންޑޭޝަނަކީ މަރުހޫމް މޫސާ އަލީ (އަލިފުޅު ތުއްތު)ގެ ހަނދާނުގައި ހައިރާތު ކުރުމަށް އޭނާގެ ކާފަ ދަރިފުޅު ކާރިން އަފީފުގެ އިސްނެގުމުގެ މަތީން އުފެއްދި ފައުންޑޭޝަނެކެވެ. އެ ފައުންޑޭޝަނުން ވަނީ ދިވެހި ދަަރިވަރުން ރާއްޖެ އިން ބޭރުން ކިޔެވުމުގެ ފުރުސަތު ހޯދައި ދިނުމުގެ އިތުރަށް ވަރަށް ގިނަ ރަށްރަށުގައި މިސްކިތްތައް ވެސް ބިނާކޮށްދީފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް