ކުރަމަތި ރިސޯޓުން ޓެސްޓު ކުރި ދެ ބިދޭސީއެއްގެ ސާމްޕަލް ކޮވިޑް-19 އަށް ޕޮޒިޓިވް ވެއްޖެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހާމަކޮށްފި އެވެ.

އެޗްޕީއޭ އިން ކުރި ޓްވީޓެއްގައި ބުނެފައިވަނީ މިހާރު ކޮންޓެކްޓް ޓްރޭސިންގ ގެ މަސައްކަތްތައް ކުރިއަށް ދާ ކަމަށާއި، އެއާ ވިދިގެން ކުރިމަތި ރިސޯޓަށް އަރާ ފޭބުން އަދިވެސް އޮތީ ހުއްޓާލާފަ ކަމަށެވެ.

ކުރަމަތި ރިސޯޓުން #ކޮވިޑް19 އަށް ޓެސްޓްކުރި 2 ބިދޭސީއެއްގެ ސާމްޕަލް ވަނީ ޕޮޒިޓިވް ވެފައި.

ކޮންޓެކްޓް ޓްރޭސިންގ ގެ މަސައްކަތްތައް ކުރިއަށްދާތީ، އެ ރަށަށް އަރައިފޭބުން އަދިވެސް އޮތީ ހުއްޓައިލެވިފައި.

— HPA Maldives (@HPA_MV) March 11, 2020

މިއާއެކު ރާއްޖެއިން ކޮވިޑް-19 އަށް ޕޮޒިޓިވް ވި މީހުންގެ އަދަދު 8 އަކަށް އަރައިފިއެވެ. އަދި މިވަގުތު ވިލިވަރުގައި 9 ފަރާތެއް އައިސޮލޭޓް ކުރެވިފައިވާ އިރު ފަރުކޮޅުފުށީގައި 15 މީހެއް ވަނީ އެކަހެރި ކުރެވިފައެވެ.

ދުނިޔޭގެ ސިއްހަތު ޖަމިއްޔާއިން ދާދި ފަހުން ބުނެފައިވަނީ ނޮވެލް ކޮރޯނާވައިރަސް މުޅި ދުނިޔެއަށް ފެތުރުމުގެ ފުރަސަތު ވަރަށް ބޮޑު ކަމަށެވެ.

މިހާތަނަށް 119 ގައުމަކުން މިވައިރަސް ފެނިފައިވާ އިރު 119،225 މީހުން ޕޮޒިޓިވް ވެ 4،299 މީހުން ވަނީ މަރުވެފައެވެ. 

ގުޅުންހުރި ލިޔުންތައް

ފަހުގެ ލިޔުންތައް