މިދުވަސްވަރު ރާއްޖޭގައި ހަލުވިކަމާއެކު ފެތުރެމުންދާ ހިމަބިހި ކޮންޓްރޯލް ކުރުމަށް ހިންގާ ހަރަކާތުގެ ދަށުން ތުއްތު ކުދިންނަށް ހިމަބިހި ވެކްސިންގެ އިތުރު ޑޯޒެއް ދޭން ނިންމައިފި އެވެ.
ނައްތާލިކަން އިއުލާންކޮށްފައި ވަނިކޮށް ރާއްޖެއިން އަލުން ހިމަބިހި ފެނުމާއި ގުޅިގެން ސަރުކާރުން ވަނީ، މީސަލްސް ވެކްސިންގެ ޑޯޒް ފުރިހަމަކޮށްފައި ނުވާ ކުދިންނާއި މީހުންނަށް ވެކްސިން ދޭން ފަށައިފަ އެވެ. މީގެކުރިން ހެލްތުން ދެމުން ދިޔައީ މީސަލްސް ވެކްސިންގެ ދެ ޑޯޒެވެ.
ހެލްތު މިނިސްޓްރީން ރޭ ކުރި ޓްވީޓެއްގައި ބުނީ އިތުރު ޑޯޒެއް ތުއްތު ކުދިންނަށް ދޭން ނިންމީ އެ ކުދިންނަށް ބަލީގެ ނުރައްކާތެރިކަން ބޮޑުވާތީ ކަމަށެވެ.
މީގެއިތުރުން ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ނެރުނު ނޫސް ބަޔާނެއްގައި ބުނިގޮތުގައި މާލޭގައި މިއަދު ވެކްސިން ދެނީ ހަ މަސް ފުރި 18 މަސް ނުފުރޭ ތއްތު ކުދިންނަށެވެ. ހިމަބިހި ވެކްސިންގެ ފުރަތަމަ ޑޯޒް ދެނީ އުމުރުން ނުވަ މަހުގަ އެވެ. އަދި ދެ ވަނަ ޑޯޒް ދެނީ އުމުރުން 18 މަހުގަ އެވެ
6 މަސް ފުރި 18 މަސް ނުފުރޭ ތުއްތު ކުދިންނަށް މީސްލްސް ވެކްސިން ޖެހުމާބެހޭ ނޫސްބަޔާން @MoHmv pic.twitter.com/PtuxIjcE9A
— HPA Maldives (@HPA_MV) January 20, 2020
އެޗްޕީއޭއިން ބުނީ މިއަދު މި ދެނީ، ޤައުމީ ވެކްސިންގެ އިތުރަށް ދެވޭ ޑޯޒެއް ކަމަށެވެ. އެއީ ހިމަބިހި ޖެހިއްޖެ ނަމަ އެކުދިންނަށް ނުރައްކާ ބޮޑުވާތީ އެވެ.
މިއަދު ވެކްސިން ދިނުމަށް ހަމަޖެހިފައިވަނީ ދަމަނަވެއްޓާއި، ސޯޝަލް ސެންޓަރާއި، ހުޅުމާލޭ ހޮސްޕިޓަލާއި ވިލިމާލޭގެ ހޮސްޕިޓަލުގަ އެވެ. ވެކްސިން ދޭނީ ހެނދުނު ނުވައަކުން ހަވީރު ފަހެއް ޖަހަންދެންނެވެ.
ހިމަބިހި ހަލުވިކަމާއެކު ރާއްޖެއިން ފެތުރެމުންދާއިރު، މިހާތަނަށް ވަނީ މި ބަލީގެ ހަތަރު ކޭސް އެއް ފެނިފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)