އިސްތިހާރު
މިދުވަސްވަރު ރާއްޖޭގައި ބޭރަށް ހިންގުން އިތުރުވަމުންދާތީވެ، އެކަމަށް އާއްމުން ސަމާލުވުމަށް ހެލްތް ޕްރޮޓެކްޝަން އޮތޯރިޓީ (އެޗްޕީއޭ)އިން އިލްތިމާސްކޮށްފި އެވެ.
އެޗްޕީއޭއިން ބުނީ މިދުވަސްވަރު ރާއްޖޭގެ އެކި ސަރަހައްދުތަކުގައި ހުމާއި ރޯގާ ވެސް ހަލުވިކަމާއެކު ފެތުރެމުންދާ ކަމަށެވެ. އަދި މި ބަލިތަކަށް ފަރުވާ ހޯދުމަށް އަންނަ މީހުންވެސް އިތުރުވެފައިވާކަން ފާހަގަކޮށް، މި ބަލިތަކުން ދުރުވުމަށް ދުރާލާ ރައްކާތެރިކަމުގެ ފިޔަވަޅު އެޅުމަށްވެސް އެޗްޕީއޭއިން ވަނީ އިލްތިމާސްކޮށްފަ އެވެ.
އެޗްޕީއޭއިން ވަނީ ބޭރަށް ހިންގުމުން ދުރުވުމަށް ކުރެވިދާނެ ބައެއް ކަންކަމުގެ އިރުޝާދުވެސް މީސްމީޑިޔާ މެދުވެރިކޮށް އާއްމުންނާއި ހިއްސާކޮށްފައެވެ. އެގޮތުން؛
- ކުޑަކުދިން ނެޕީ ބަދަލުކުރުމުގެ ފަހުން، ފާހަނާ ބޭނުންކުރުމަށްފަހު އަދި ކާއެއްޗެހީގައި އަތްލުމުގެ ކުރިން ސައިބޯނިލައިގެން ރަނގަޅަށް އަތްދޮވުން
- ކާބޯތަކެއްޗަށް ދިރޭ ސޫފާސުތްޕަށް ނޭރެވޭނެހެން މަތިޖެހުން
- ކެއުމުގައި ވީހާވެސް ތާޒާ ކާނާ ބޭނުންކުރުން
- ކާބޯތަކެތި ހަލާކު ނުވާނެހެން ރައްކާކުރުން
- ކާބޯތަކެތި ރަނގަޅަށް ކައްކައިގެން ބޭނުންކުރުން
- ރޯ ތަރުކާރީ އާއި މޭވާ ރަނގަޅަށް ދޮވެގެން ބޭނުންކުރުން
- ކެއްކުމަށާއި ބުއިމަށް ފުޅީގައި ބަންދުކޮށްފައި ހުންނަ ފެން ބޭނުންކުރުން ނުވަތަ ފެން ކައްކައިގެން ބޭނުންކުރުން ނުވަތަ ކްލޮރިނޭޓެޑް ކޮށްފައިވާ ފެން ނުވަތަ ވޯޓަރ ސަޕްލައި ބޭނުންކުރުން
އިސްތިހާރު
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)