ރީޖަނަލް އެލަޔަންސް ފޯ ފޮސްޓަރިންގ ޔޫތް (ރަފީ އެންޖީއޯ) އިން އިސް ނަގައިގެން ހުކުރު ދުވަހު ލޭ ހަދިޔާ ކުރުމުގެ ކޭމްޕެއް ކުރިއަށް ގެންގޮސްފި އެވެ.
މޯލްޑިވިއަން ބްލަޑް ސާވިސް (އެމްބީއޭ) އާއި ގުޅިގެން އެމްބީއޭގައި މި ކޭމްޕް ކުރިއަށް ގެންގޮސްފައިވަނީ ހުކުރު ދުވަހު މެންދުރު 14:00 ން ރޭގަނޑު 22:00 އަށެވެ.
އެމްބީއޭގެ ކްލިނިކަލް ނަރުހެއް ކަމަށްވާ ގުލިސްތާން އީސާ ވިދާޅުވީ މި ކޭމްޕަކީ ތެލެސީމިޔާ ޕޭޝަންޓުން ފަދަ އެމަރޖެންސީކޮށް ލޭ ބޭނުންވާ މީހުންނަށް ލޭ ފޯރުކޮށްދިނުމުގެ މަގްސަދުގައި ކުރިއަށް ގެންދިޔަ ކޭމްޕެއް ކަމަށެވެ.
އަދި މި ކޭމްޕްގައި 130 އަށް ވުރެ ގިނަ މީހުން ވޮލިންޓިއަރ ކޮށް ލޭ ހަދިޔާ ކޮށްފައިވާ ކަމަށްވެސް ގުލިސްތާން ވަނީ ވިދާޅުވެފަ އެވެ.
ލެޔަކީ މެޝިނަކުން ހެދޭނެ އެއްޗެއް ނޫނެވެ. ލޭ ބޭނުންވާ މީހުންނަށް އެ ލޭ ނެގޭނީ އެހެން އިންސާނެއްގެ ގައިންނެވެ. ލޭ ހަދިޔާ ކުރުމަކީ އެތަކެއް ބަޔަކަށް ވެދެވޭ ބޮޑު އެހީއެކެވެ. ތަފާސް ހިސާބުތަކުން ދައްކާ ގޮތުގައި ލޭ ހަދިޔާ ކުރާ ކޮންމެ މީހަކީ ލޭ ބޭނުންވާ 3 މީހަކަށް އެހީތެރިވެދޭ މީހެކެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)