ފާއިތުވި އޮކްޓޯބަރު މަހާއި އަޅާބަލާއިރު މިމަހު އިންފުލުއެންޒާ ފެތުރެމުންދާ އަދަދު އިތުރުވަމުންދާކަމަށް ހެލްތް ޕްރޮޓެކްޝަން އެޖެންސީއިން ބުނެފި އެވެ.
އެޗްޕީއޭއިން މިހެންބުނެ ޕައިޗާޓެއް އާއްމުންނާއި ހިއްސާކޮށްފައިވީ ނަމަވެސް، އިންފުލުއެންޒާއަށް ޕޮޒިޓިވް ވެފައިވާ ސީދާ އަދަދެއް ހާމަކޮށްފައެއް ނުވެއެވެ.
އަރިދަފުސް ރޯގާ އާއި އިންފްލުއެންޒާ ފަދަ ބަލިތަކަކީ ވަރަށް ފަސޭހައިން ފެތުރޭ ބަލިތަކަކަށްވާތީ މި ރޯގާ ފެތުރެން ފެށުމާ ގުޅިގެން އެއްވެއުޅުން މަދުކުރުމަށާއި ބަލިން ރައްކާތެރިވުމަށާއި އާއްމު ސާފުތާހިރުކަން ދެމެހެއްޓުމަށް ދީފައިވާ އިރުޝާދުތަކަކީ ބަލި ފެތުރޭ މިންވަރު ދަށްކުރުމަށް މުހިއްމު ކަންތައްތައް ކަމަށް އެޗްޕީއޭއިން މައުލޫމާތުދެއެވެ. އަދި އިންފުލުއެންޒާއަށް ޙާއްސަ ވެކްސިންޖެހުމަށްވެސް އެޗްޕީއޭއިން ބާރުއަޅާފައި ވެއެވެ.
މީގެ އިތުރުން މިދުވަސްވަރު ރާއްޖެއަށް ކުރަމުންދާ ވިއްސާރަ ދިގުދެމިގެންދާތީވެ، ޑެންގޫ ފެތުރުމުގެ ފުރުސަތުވެސް ބޮޑު ކަމަށް އެޗްޕީއޭއިން މިއަދު ވަނީ ބުނެފަ އެވެ. ތަފާސް ހިސާބުތަކުން ދައްކާ ގޮތުގައި މިއަހަރުގެ މިހާތަނަށް 4000 އަށް ވުރެގިން ޑެންގީ ހުމުގެ ކޭސްތައް ވަނީ ރިޕޯޓުކުރެވިފައެވެ (އިތުރަށް ކިޔާ).
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)