އޭޑީކޭ ހޮސްޕިޓަލްގެ ސްކޮލަޝިޕް ސްކީމް 2019 ގެ ދަށުން ޑޮކްޓަރުން ސްޕެޝަލައިޒް ވުމަށާއި ސުޕަރ ސްޕެޝަލައިޒް ވުމަށް ސްކޮލަޝިޕްގެ ފުރުސަތުތަކެއް ހުޅުވާލައިފި އެވެ.
އޭޑީކޭ ހޮސްޕިޓަލުން މިއަދު ކުރި އިއުލާނެއްގައި ބުނެފައިވަނީ މިފަހަރު ހުޅުވާލައިފާ ވަނީ 5 ސްކޮލަޝިޕް ޖާގަ ކަމަށެވެ. އެއީ ސްޕެޝަލައިޒް ވުމަށް 3 ޖާގަ އަދި ސުޕަރ ސްޕެޝަލައިޒް ވުމަށް 2 ޖާގަ އެވެ.
ސްކޮލަޝިޕްގެ ދަށުން ކިޔެވޭނެ ދާއިރާތަކަކީ:
- ސްޕެޝަލައިޒް ވުމަށް
- އިންޓަރނަލް މެޑިސިން
- އެމަރޖެންސީ މެޑިސިން
- އެނަސްތެސިޔަލޮޖީ
- ސުޕަރ ސްޕެޝަލައިޒް ވުމަށް
- ގެސްޓްރޯއެންޓެރޮލޮޖީ
- ރިއުމަޓޮލޮޖީ
މިއަހަރުގެ އޮކްޓޯބަރު މަހު އޭޑީކޭ ހޮސްޕިޓަލުގެ ސްކޮލަޝިޕް ޕްރޮގްރާމް އިން ސްޕެޝަލައިޒްވި ފުރަތަމަ ޑޮކްޓަރުންނަށް ވަނީ އެ ހޮސްޕިޓަލުން މަރުހަބާ ކިޔާފައެވެ.
އޭޑީކޭ ހޮސްޕިޓަލުން ބުނެފައިވާ ގޮތުގައި ސްކޮލަޝިޕަށް ޑޮކްޓަރުން ހޮވޭނީ ގާބިލިއްޔަތުކަމާއި ތަޖުރިބާއަށް ބަލާފައެވެ. އަދި ޝައުގުވެރިވާ ފަރާތްތަކުން 10 ޖަނަވަރީ 2020 ގެ ކުރިން ފޯމު ހުށަހެޅުމަށްވެސް މިހޮސްޕިޓަލުން ވަނީ އެދިފައެވެ.
އޭޑީކޭ އިން ބުނެފައިވާ ގޮތުގައި މި ޕްރޮގްރާމަކީ ދިވެހީން ސިއްޙީ ދާއިރާއިން އިތުރަށް ތަމްރީނުކުރުމަށް ކުރަމުންދާ މަސައްކަތުގެ ބައެއްކަމަށެވެ. އަދި މީގެ ސަބަބުން މުސްތަޤްބަލުގައި އެހެން ޑޮކްޓަރުންނަށްވެސް ސްޕެޝަލައިޒް ވާން ދޮރުތައް ހުޅުވިގެންދާނެ ވާހަކަ ފާހަގަކުރިއެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)