ރާއްޖެއިން ޗައިނާއަށް ދާ މީހުން ކޮވިޑް-19 އަށް ޓެސްޓް ކުރަން އޭޑީކޭ ހޮސްޕިޓަލް ހަމަޖައްސައިފި އެވެ.
ޗައިނާއިން ރާއްޖެއަށް ހަމަޖައްސާފައިވާ ސަފީރު ޖަންގް ލިޖޮންގް ބުރާސްފަތި ދުވަހުގެ ރޭ ކުރެއްވި ޓްވީޓެއްގައި ވިދާޅުވީ ޗައިނާއިން ރާއްޖެ އަންނަ ފަތުރުވެރިން އަނބުރާ ދާއިރު އެ ފަރާތްތަކުން ބޭނުންވާ ކޮވިޑް-19 ނިއުކްލިކް ޓެސްޓް، އޭޑީކޭއިން ހެދޭނެ އިންތިޒާމް ހަމަޖައްސާފައިވާ ކަމަށެވެ.
Notice: Chinese Embassy designates ADK hospital as the institution to provide Covid-19 nucleic acid test for all the passengers leaving for China from Maldives.
— Amb. Zhang Lizhong (@AmbassadorZhang) July 23, 2020
(to be updated)https://t.co/ClSHeppbtFhttps://t.co/xJRTcxoTo3
އެ ޓެސްޓަކީ ރާއްޖެއިން ފުރާ ހުރިހާ ޗައިނާގެ ޕަސެންޖަރުން ހަދަން ޖެހޭ ޓެސްޓެކެވެ.
ޗައިނާ ސަރުކާރުން މިހާރު ހަމަޖައްސާފައިވަނީ އެ ގައުމަށް ދަތުރުކުރާ މީހުން، އެ ގައުމަށް ދިއުމުގެ ކުރިން އެންމެން ކޮވިޑް-19 އަށް ޓެސްޓް ކުރަން ޖެހޭނެ ގޮތަށެވެ. އެހެންވެ، ޗައިނާއަށް ދާ ފްލައިޓްތަކަށް މީހުން އަރުވަން ޖެހެނީ ވެސް ކޮވިޑް-19 އަށް ޓެސްޓްކޮށް، ނަތީޖާ ނެގެޓިވްވި ކަން ކަށަވަރު ކުރުމަށް ފަހު އެވެ.
ސަފީރު ޖަންގް ލިޖޮންގް ވިދާޅުވީ ޗައިނާ ސަރުކާރުގެ ރެގިއުލޭޝަނަށް ބަލާއިރު އެގައުމަށްދާ ހުރިހާ ޕަސެންޖަރުންވެސް ބޯޑިން އަށް ދިޔުމުގެ ކުރިން ކޮވިޑް-19 ނިއުކްލިކް އެސިޑްގެ ނެގެޓިވް ރިޕޯޓެއް ބޭނުންވާނެ ކަމަށެވެ.
އޭޑީކޭއަކީ ރާއްޖޭގައި ކޮވިޑް-19 އަށް ޓެސްޓް ކުރަން ފެށި ފުރަތަމަ ޕްރައިވެޓް ހޮސްޕިޓަލެވެ. އަދި މާފަރު އިންޓަނޭޝަނަލް އެއާޕޯޓަށް ސޮނެވާ ރިސޯޓްސްގެ ފަރާތުން ގެނައި ކޮވިޑަށް ޓެސްޓްކުރާ މެޝިން ރާއްޖެ ގެނެސް، އެތަނުގައި ކޮވިޑަށް ޓެސްޓް ސެންޓަރު ހިންގަނީ ވެސް އޭޑީކޭއިންނެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)