އައިޖީއެމްއެޗްގައި ކޮވިޑް-19ގެ ސާމްޕަލްތައް ތަހުލީލުކުރަނީ ދުނިޔޭގެ ސިއްހަތު ޖަމިއްޔާ ޑަބްލިއުއެޗްއޯ އިން ކަނޑައަޅާފައިވާ މިންގަނޑުތަކާ އެއްގޮތަށް ކަމަށް އެ ހޮސްޕިޓަލުން ބުނެފިއެވެ.
އައިޖީއެމްއެޗުން ނެރުނު ނޫސް ބަޔާނެއްގައި ބުނީ އެ ހޮސްޕިޓަލުގެ ލެބޯޓަރީއަށް ތަހުލީލު ކުރަން ގެންނަ ކޮންމެ ވައްތަރެއްގެ ސާމްޕަލަކާ މެދު ވެސް އަމަލު ކުރާނީ، އިންސާނުންނަށް ގެއްލުމެއް ލިބިދާނެ އެއްޗެއްގެ ގޮތުގައި ކަމަށެވެ.
އެއީ، ނުރައްކާތެރި އަދި ވަކި ބައްޔަކަށް ޝައްކު ނުކުރެވޭ ސާމްޕަލަކަށް ވިޔަސް، އެތަކެތި އުފުލުމާއި ތަހުލީލު ކުރުމުގައި ވެސް ރައްކާތެރިވުމުގެ ގޮތުން ސަލާމަތީ ފިޔަވަޅުތައް އަޅާފައިވާ ކަމަށް ނޫސް ބަޔާނުގައި ބުންޏެވެ.
ނޫސް ބަޔާން: ކޮވިޑް 19 ގެ ސާމްޕަލް އައި.ޖީ.އެމް.އެޗް ގައި ތަހުލީލު ކުރަނީ ޑަބްލިޔު.އެޗް.އޯ އިން ކަނޑައަޅާފައިވާ މިންގަނޑުތަކާއި އެއްގޮތަށް. pic.twitter.com/1zhr2a48B7
— IGMH (@igmhmv) March 2, 2020
އަދި ނުރައްކާތެރި ވަކި ބައްޔަކަށް ޝައްކު ނުކުރެވޭ ސާމްޕަލްއެއް ތަހުލީލު ކުރި ނަމަވެސް އެތަކެތި އުފުލުމާއި ތަހުލީލު ކުރުމުގައިވެސް ރައްކާތެރިކަން ކަށަވަރުކުރުމުގެ ގޮތުން އައިޖީއެމްއެޗްގެ ލެބޯޓްރީގައިވެސް ސިއްހަތު ޖަމިއްޔާގެ މިންގަނޑުތަކާ "ސްޓެންޑާޑް ޕްރެކްޓިސް" އާއި "ޕްރޮޓޮކޯލް" ތަކާ އެއްގޮތަށް ސަލާމަތީ ގޮތުން އަޅަންޖެހޭ އެންމެހައި ފިޔަވަޅުތަކެއް އަޅާފައިވާނެ ކަމުގެ ޔަގީންކަން ވަނީ ދީފައެވެ.
"މުވައްޒަފުންގެ ސަލާމަތާއި ރައްކާތެރިކަމަކީ ހޮސްޕިޓަލުގެ މެނޭޖްމެންޓުން އަބަދު ވެސް ހާއްސަ ސަމާލުކަމެއް ދޭ ކަމެކެވެ." އައިޖީއެމްއެޗުގެ ބަޔާނުގައި ބުންޏެވެ.
ކޮވިޑް-19 އަށް ރާއްޖޭގައި ޓެސްޓު ކުރެވޭގޮތް ހެދީ މިދިޔަ މަހުގެ 20 ވަނަ ދުވަހުއެވެ. އެއަށްފަހު އެންމެ ފުރަތަމަ ފަހަރަށް ރާއްޖޭގައި ޓެސްޓުކުރީ ނިއުމޯނިއާއަށް އައިޖީއެމްއެޗްގައި ފަރުވާ ހޯދަމުން ދިޔަ މީހެކެވެ. އެމީހާ ވަނީ ކޮވިޑް-19 އަށް ނެގެޓިވް ވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)