މިއަހަރުގެ ފުރަތަމަ ތިންމަހު ރާއްޖެއަށް އެންމެ ގިނައިން އެތެރެކުރީ ފެސްމާސްކު ކަމަށް ކަސްޓަމްސްގެ ތަފާސް ހިސާބުތައް ދައްކައިފިއެވެ.
ކަސްޓަމްސް އިން އާންމުކުރި މިއަހަރުގެ ފުރަތަމަ ތިން މަހުގެ ތަފާސްހިސާބުތައް ދައްކާ ގޮތުން އެ މުއްދަތުގައި 4.9 މިލިއަން ފޭސް މާސްކް ރާއްޖެ އެތެރެ ކޮށްފައި ވާއިރު، އެއީ މިދިޔަ އަހަރުގެ އެ މުއްދަތާ އަޅާ ބަލާއިރު 1،179 އިންސައްތަ އިތުރު އަދަދެކެވެ. އަދި އަގުގެ ގޮތުން ބަލާއިރު 17 މިލިއަން ރުފިޔާގެ ފޭސް މާސްކެވެ.
Import of selected essential items by quantity (Jan-March 2020)@MariyaDidi pic.twitter.com/SFGQT4fyMn
— Maldives Customs (@CustomsMv) May 22, 2020
ފޭސް މާސްކް އަދި އެހެނިހެން މެޑިކަލް ބައެއް ސާމާނުތަކުން ވަނީ ކޯވިޑް-19 އާއި ގުޅިގެން އިމްޕޯޓު ޑިއުޓީ ކަނޑާލައިފަ އެވެ.
ކާޑުގެ ބާވަތްތައް އެތެރެކުރުން ވަނީ 34 އިންސައްތަ އިތުރުވެފައެވެ. މިއީ މި ތިން މަހު ދެން އެންމެ ގިނައިން އެތެރެ ކުރެވުނު ތަކެއްޗެވެ. އަދި ކާބޯތަކެތީގެ ތެރެއިން ބިސް، ކުކުޅު އަދި ކިރުވެސް ވަނީ އެތެރެކުރުން އިތުރުވެފައެވެ،
މީގެ އިތުރުން ފާއިތުވި ތިން މަހު ސެނިޠަރީ ނެޕްކިން އަދި ކުޑަކުދިންގެ ނެޕީ އެތެރެ ކުރުން ވަނީ މަދުވެފައެވެ. އެގޮތުން ސެނިޓަރީ ނެޕްކިން އެތެރެ ކުރި މިންވަރު 16 އިންސައްތަ ދަށަށް ގޮސްފައިވާއިރު ނެޕީ އެތެރެ ކުރި މިންވަރު ވަނީ 5 އިންސައްތަ ދަށަށް ގޮސްފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)