ވޯލްޑް ހެލްތް އޮގަނައިޒޭޝަން (ޑަބްލިއުއެޗްއޯ)ގެ ފަރާތުން ރާއްޖެއަށް އިތުރު 10،000 ޓެސްޓްކިޓް ހަދިޔާކޮށްފި އެވެ.

މިއަދު ހަދިޔާކުރި ކޮވިޑް-19 ބަލީގެ 10،000 ޓެސްޓި ކިޓާއެކު، ޕާސަނަލް ޕްރޮޓެކްޓިވް އިކުއިޕްމަންޓް (ޕީޕީއީ)ވެސް އެ ޖަމިއްޔާއިން މިއަދު ވަނީ ހަދިޔާކޮށްފައެވެ. އެ ޖަމިއްޔާއިން މިއަދު ހަދިޔާކުރި ކޮވިޑް-19 ބަލީގެ ޓެސްޓިން ކިޓާއިއެކު ޑަބްލިއުއެޗްއޯއިން ރާއްޖެއަށް މިހާތަނަށް 21،000 ޓެސްޓްކިޓް ވަނީ ހަދިޔާކޮށްފައެވެ.

މި ހަދިޔާއާ ގުޅިގެން ރާއްޖޭގެ ހެލްތު މިނިސްޓަރު އަބްދުﷲ އަމީން ވަނީ މިއަދު ޑަބްލިއުއެޗްއޯއިން ރާއްޖެއަށް ކަނޑައަޅުއްވާފައިވާ ރެޕްރެޒެންޓެޓިވް ޑރ. އަރުވިންދު މާތުރުއަށް ގުޅުއްވައި، އެޖަމިއްޔާގެ ފަރާތުން ލިބެމުންދާ އެހީތެރިކަމާއި އެއްބާރުލެއްވުން ފާހަގަކުރައްވައި ޝުކުރު އަދާކުރައްވާފައެވެ. އަދި ޑަބްލިއެޗްއޯއިން ވަނީ  ކުރިއަށް އޮތް ތަނުގައި ރާއްޖެއަށް ކަނޑައަޅާ ޓެސްޓްކިޓްގެ އަދަދު އިތުރުވެގެންދާނެ ކަމަށް ބުނެފަ އެވެ.

ޑަބްލިޔުއެޗްއޯގެ ފަރާތުން މިއަދު ހަދިޔާކުރި ޕީޕީއީ އާލާތްތަކުގެ ތެރޭގައި ގައުންއާއި، ފޭސްމާސްކުގެ އިތުރުން އަންގިއާއި، ފޭސް ޝީލްޑްފަދަ މުހިންމު އާލާތްތައް ހިމެނެއެވެ.

ގުޅުންހުރި ލިޔުންތައް

ފަހުގެ ލިޔުންތައް