ރާއްޖެއިން މިއަދު ކޯވިޑް-19އަށް ޕޮޒިޓިވް ވެފައިވަނީ 13 މީހެކެވެ. މި 13 މީހުންނާއެކު މިހާތަނަށް ރާއްޖެއިން ވައިރަހަށް ޕޮޒިޓިވްވި މީހުންގެ އަދަދު ވަނީ 481އަށް އަރާފަ އެވެ.

ޕޮޒިޓިވްވި 13 މީހުންގެ ތެރޭގައި ހިމެނެނީ 7 ދިވެހިންނާއި، 6 ބަންގްލަދޭޝް ރައްޔިތުންނެވެ. މި 13 މީހުންގެ ތެރޭގައި 5 އަހަރުގެ ކުޑަކުއްޖެއްގެ އިތުރުން 80 އަހަރުގެ އުމުރުން ދުވަސްވީ މީހަކުވެސް ވަނީ ވައިރަހަށް ޕޮޒިޓިވް ވެފައެވެ.

މީގެތެރޭގައި ހިމެނޭ ދެ އަންހެނަކާއި އެއް ކުޑަކުއްޖަކީ ހއ. ތަކަންދޫއިން ޕޮޒިޓިވްވެފައިވާ މީހުންނެވެ.

ތަކަންދޫން ޕޮޒިޓިވްވެފައި ވަނީ މިދިޔަ މަހުގެ 15 ވަނަ ދުވަހު "ކާވިޔާ" ބޯޓުން ދަތުރުކުރި ތިން މީހެކެވެ. އެ ބޯޓުން އެރަށައް 36 މީހަކު ދަތުރު ކުރި އެވެ. އެ ހުރިހާ މީހުންގެ ސާމްޕަލް ވަނީ ނަގާފަ އެވެ.

ކާވިޔާއިން ދަތުރުކުރި މީހުންގެ ސާމްޕަލް ނެގީ އެ ދަތުރުގައި ބައިވެރިވި އުލިގަމު މީހަކު ޕޮޒިޓިވްވުމާއި ގުޅިގެންނެވެ. އެ ބޯޓުން އުތުރުގެ ފަސް ރަށަކަށް މީހުން ދަތުރުކުރިއެވެ.

ރާއްޖެއިން މިހާތަނަށް އެންމެ ގިނަ އަދަދަކަށް ޕޮޒިޓިވްވެފައި ވަނީ ބަންގްލަދޭޝް ރައްޔިތުންނެވެ. އެގޮތުން ބަންގްލަދޭޝްގެ 258 މީހަކު ވައިރަހަށް ޕޮޒިޓިވްވެފައިވާއިރު، ދިވެހިންގެ އަދަދު އުޅެނީ 152ގަ އެވެ.

ފަހުގެ ލިޔުންތައް