ޔުނައިޓެޑް އަރަބި އެމިރޭޓްސްއިން ކޮރޯނާވައިރަހަށް ފަރުވާއެއް ހޯދާފައިވާކަން ރަސްމީކޮށް އިއުލާންކޮށްފި އެވެ.

ކޯވިޑް-19 އަށް ކާމިޔާބުކަމާ އެކު ފަރުވާކުރެވޭނެ ގޮތެއް ހޯދާފައިވަނީ އަބޫ ދާބީ ސްޓެމް ސެލް ސެންޓަރުންނެވެ.

އަބޫދާބީގެ ސްޓެމް ސެލް ސެންޓަރުގެ ޑޮކްޓަރުންނާއި ރިސާޗަރުން އެކުގައި ވަނީ މިހާތަނަށް ކޮރޯނާވައިރަސް ޖެހިފައިވާ 73 މީހަކު ބަލިން މުޅިން ރަނގަޅުކޮށްފަ އެވެ.

މިއަދު އެޤައުމުގެ އިކޮނޮމިކް މިނިސްޓްރީން ބުނީ މިފަރުވާ ކާމިޔާބުކޮށްފައިވަނީ ބަލިމީހުންގެ ސްޓެމް ސެލް ނަގައި "އެކްޓިވޭޓް" ކުރުމަށް ފަހު އަލުން ހަށިގަނޑަށް ފޮނުވައިގެން ކަމަށެވެ.

UAE-based researchers have developed a new stem-cell treatment for #Covid_19 which has shown promising results in initial trials.https://t.co/ely1baRNrE pic.twitter.com/RcMyjhvis1

— وزارة الخارجية والتعاون الدولي (@MoFAICUAE) May 1, 2020

ޔޫއޭއީގެ އިކޮނޮމިކް މިނިސްޓްރީން ބުނިގޮތުގައި އަލަށް ހޯދި މި ފަރުވާގެ އެހީގައި ސްޓެމް ސެލް ނަގައި، ބަދަލުތައް ގެނައުމަށް ފަހު، ނެބިއުލައިޒްކޮށްގެން އާވީގެ ގޮތުގައި ފުއްޕާމެޔަށް ފޮނުވާލާނެ އެވެ. އަދި މިހެން ފަރުވާދިނުމުން ފުއްޕާމޭގެ ސެލްތައް އަލުންހެދެން ފަށާކަމަށް ދިރާސާކުރާ ފަރާތްތަކުން ވަނީ ބުނެފަ އެވެ.

މި ފަރުވާގައި ކޯވިޑް-19 އަށް ހަށިގަނޑުގެ ދިފާއީ ނިޒާމު އޯވަރިއެކްޓްކުރުން ކޮންޓްރޯލްކޮށްދޭ ކަމަށާއި، ކޯވިޑް-19 ގައި ސީރިއަސްވަނީ މި އޯވަރިއެކްޝަންގެ ސަބަބުން ކަމަށް، މި ފަރުވާ އީޖާދުކުރި ޓީމުން ގަބޫލުކުރެ އެވެ.

މިފަރުވާއަށް ހަދަންޖެހޭ އިތުރު ދިރާސާތައް ކުރިއަށް އޮތް ދެތިން ހަފްތާތެރޭގައި ހަދާނޭކަމަށް ވެސް ތަޖުރިބާކާރުން ވަނީ ބުނެފަ އެވެ. އަދި މިހާތަނަށް މި ފަރުވާ ބޭނުންކޮށްގެން ރަނގަޅުވި އެއްވެސް ބަލިމީހެއްގެ ކިބައިން އިތުރު މައްސަލައެއް ނުފެންނަކަމަށްވެސް ބުނެފައި ވެއެވެ.

ގުޅުންހުރި ލިޔުންތައް

ފަހުގެ ލިޔުންތައް