ރާއްޖޭގައި އާއްމުގޮތެއްގައި ސިފައިންގެ ޑޮކްޓަރުންނޭ ބުނުމުން ދިވެހިންނަށް ތަންކޮޅެއް އާވެދާނެ އެވެ. އެއީ އާއްމުގޮތެއްގައި ސިފައިން ފާހަގަވެފައި ވަނީ ޤައުމަށް ނުރައްކަލެއް އޮތް ހިނދު އެޤައުމު ދިފާއުކުރަން ތިބޭ ބައެއްގެ ގޮތުގައެވެ. ވީއިރު ސިފައިންނަށް ނުރައްކަލެއް ކުރިމަތިވާ ހިނދު އެމީހުންގެ ދިފާއުގައި ތެދުވާ ބަޔަކީ މިއީއެވެ. ސިފައިންގެ ސިއްހީ އެހީތެރިންނެވެ.
އޭގެތެރެއިންވެސް ކާނަލް ޑރ. އަލީ ޝާހިދު މުހައްމަދު ވަކިން ހާއްސަ އެވެ. ކާނަލް ޑރ. ޝާހިދު ސިފައިންގެ ހިދުމަތާއި ގުޅިވަޑައިގެންފައިވަނީ ޒުވާން އުމުރުފުޅުގަ އެވެ. އޭގެފަހުން ސިފައިންގެ ހިދުމަތުގައި ހުންނަވާ އެބޭފުޅާ ވަނީ ޑޮކްޓަރީ ރޮނގުން ފާސް ނަންގަވާފަ އެވެ.
ކާނަލް ޑރ. ޝާހިދު ސިފައިންގެ ހިދުމަތަށް ފާއިތުވި 30 އަހަރު ކޮށްދެއްވާފައިވާ އަގުހުރި ހިދުމަތް ރާއްޖޭގެ ދިފާއީ ވަޒީރު މާރިޔާ އަހުމަދު ދީދީވަނީ އަގުވަޒަން ކުރައްވާފަ އެވެ.
Colonel Dr Shahid, joined the @MNDF_Official as a young man. 30 years of dedicated service has seen him become the #SurgeonGeneral of the #MNDFMedicalCorps He has played a huge role in making MNDF Medical Services what it is today. Congratulations 🙏 pic.twitter.com/3RLw6lbanJ
— Mariya Didi 🎈 (@MariyaDidi) April 30, 2020
އެކަމަނާ ވިދާޅުވީ ރާއްޖޭގެ ސިފައިންގެ ސިއްހީ ހިދުމަތުގައި ކާނަލް ޑރ. ޝާހިދުގެ ދައުރު ވަރަށްވެސް ބޮޑު ކަމަށެވެ. އަދި ސިފައިންގެ ސިއްހީ ހިދުމަތް މިއަދު މިގޮތުގައި ދެމިއޮތީ ހުދު ކާނަލް ޑރ. ޝާހިދުގެވެސް މިންނެތް މަސައްކަތްޕުޅުން ކަމަށް އެކަމަނާވަނީ ވިދާޅުވެފަ އެވެ.
ރާއްޖޭގައި ކުރިން ސިފައިންނަށާއި ސިފައިންގެ އާއިލާއަށް ހިލޭ ބޭސްފަރުވާ ކުރެވެން އޮންނަނީ ހަމައެކަނި ސްކީމެއްގެ ދަށުންނެވެ. ނަމަވެސް ފަހުން ރާއްޖޭގެ ދިފާއީ ބާރުންވަނީ ސެނަހިޔާގެ ނަމުގައި ހުޅުވި ކްލިނިކް، މިލިޓަރީ ހޮސްޕިޓަލަކަށް ބަދަލުކޮށް ސިފައިންނާއި، ސިފައިންގެ އާއިލާތަކުގެ އިތުރުން އާއްމުންނަށްވެސް ހިދުމަތް ދޭން ފަށާފަ އެވެ.
މި ހޮސްޕިޓަލުގައި މަސައްކަތް ކުރާ ގިނަ ޑޮކްޓަރުންނާއި ނަރުހުންގެ އިތުރުން އެހެނިހެން މުވައްޒަފުންނަކީ ސިފައިންގެ ހިދުމަތުގެ ތެރެއިން ސިއްހީ ހިދުމަތަށް ނުކުމެފައިވާ މީހުންނެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)