ރާއްޖެއިން މިއަދު ވެސް27 މީހަކު ކޯވިޑް-19އަށް ޕޮޒިޓިވްވެ، މިހާތަނަށް ޕޮޒިޓިވްވި މީހުންގެ އަދަދު 277 އަށް އަރައިފި އެވެ.

މިއަދު ރާއްޖެއިން ޕޮޒޓިވްވި މީހުންގެ ތެރޭގައި ހިމެނެނީ 26 ދިވެއްސަކާއި، ޕާކިސްތާނު މީހެކެވެ. އަދި ޕޮޒިޓިވްވި މީހުންގެ ތެރެއިން މިއަދު އެންމެ ހަނގުކޮށް ޕޮޒިޓިވްވެފައި ވަނީ 13 އަހަރުގެ ކުއްޖެކެވެ. އަދި މިއަދު އެންމެ ގިނައިން ޕޮޒިޓިވް ވެފައިވަނީ އުމުރުން 30 އަހަރާއި 52 އަހަރާއި ދެމެދުގެ މީހުންނެވެ.

މިރޭ ދަރުބާރު ގޭގައި ބޭއްވި ނޫސްވެރިންގެ ބައްދަލުވުމުގެ ޑރ. އިބްރާހިމް އަފްޒަލް ވަނީ މިއަދުގެ އެންމެ ބޮޑު ކްލަސްޓާ އަކީ އެމްއެންޑީއެފްގެ ކްލަސްޓާ ކަމަށް ބުނެފަ އެވެ. އެގޮތުން އެމްއެންޑީއެފްގެ ކްލަސްޓާގައި 14 މީހަކު ހިމެނޭކަމަށް ޑރ. އަފްޒަލް ވަނީ ވިދާޅުވެފަ އެވެ.

މީގެއިތުރުން މާލެގައި ވައިރަސް ފެތުރޭ މިންވަރު ބެލުމަށް މިހާރު ކުރަމުންދާ ރެންޑަމް ޓެސްޓްތަކުން މީހަކު ޕޮޒިޓިވް ވެފައިވާކަމަށް ވެސް ޑރ. އަފްޒަލް ވަނީ ވިދާޅުވެފަ އެވެ.

ރާއްޖެއިން މިހާތަނަށް ޕޮޒިޓިވްވި މީހުންގެ ތެރޭގައި ހިމެނެނީ 126 ދިވެހިންނާއި، 115 ބަންގްލަދޭޝް މީހުންނާއި، 17 އިންޑިޔާ މީހަކާއި، 11 އިޓަލީ މީހަކާއި، ޕާކިސްތާނުގެ ތިން މީހެއްގެ އިތުރުން ސްރީލަންކާގެ 2 މީހަކާއި، އިންގްލޭންޑްގެ ދެމީހެކެވެ. އަދި ވަކި ޤައުމަކަށް ހާމަނުކުރާ ތިން މީހަކުވެސް ވަނީ ޕޮޒިޓިވް ވެފައެވެ.

ގުޅުންހުރި ލިޔުންތައް

ފަހުގެ ލިޔުންތައް