މާލެއިން ކޯވިޑް-19 ފެނުމާއި ގުޅިގެން މާލޭ ސަރަހައްދުގައި އިއުލާންކޮށްފައިވާ ލޮކްޑައުންގެ މުއްދަތު އިތުރު 24 ގަޑިއިރަށް އިތުރުކޮށްފި އެވެ.

އެޗްޕީއޭއިން ލޮކްޑައުންގެ މުއްދަތު އިތުރުކޮށްފައި މިވަނީ މާލެއިން ތިން މީހަކު ކޯވިޑް-19އަށް ޕޮޒިޓިވް ވެފައި ވަނިކޮށެވެ.

ލޮކްޑައުންގެ މުއްދަތު އިތުރުކުރިކަން އަންގާ އެޗްޕީއޭއިން ނެރުނު ބަޔާނުގައިވަނީ ޤާނޫނުގެ 33 ވަނަ މާއްދާގެ ދަށުން، އިއުލާންކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތާއި ޑިރެކްޓަރ ޖެނެރަލް އޮފް ޕަބްލިކް ހެލްތަށް ލިބިފައިވާ ބާރުގެ ދަށުން، އެޗްޕީއޭއިން އަންގާ ވަގުތުން ފެށިގެން އިތުރު 24 ގަޑިއިރަށް މާލެ، ހުޅުމާލެ އަދި ވިލިގިލީގެ މަގުމައްޗަށް ނިކުމެ އުޅުމާއި، އެއްގަމު އުޅަނދުފަހަރު ދުއްވުން މަނާކޮށްފައިވާ ކަމަށެވެ.

މި އެންގުމުގެ ދަށުން އަޅާފައިވާ ބައެއް ފިޔަވަޅުތަކުގެ ތެރޭގައި:

1. މާލޭ ސަރަހައްދުގައި މަގުތަކަށް ނުކުމެއުޅުމާއި، މަގުމައްޗާއި އާންމު ތަންތަނަށް ނިކުތުން މަނާކުރުން.

2. މާލޭ ސަރަހައްދުގެ ޕަބްލިކް ޓްރާންސްޕޯޓު (ބަހާއި، ފެރީ) ގެ ހިދުމަތް ހުއްޓާލުން

3. މާލެ، ވިލިމާލެ، ހުޅުމާލެ، ތިލަފުށި، ގުޅީފަޅަށް މީހުން އަރައި ފޭބުން ހުއްޓާލުން

އެޗްޕީއޭއިން ބުނީ އެ އެޖެންސީއިން އެޅި ފިޔަވަޅުތަކުން ފުލުހުންނާއި، ސިއްހީ ހިދުމަތްދޭ އިދާރާތަކުގެ މުވައްޒަފުންނާއި އެ އިދާރާތަކުގެ އުޅަނދުތައް ދުއްވާ މުވައްޒަފުންނާއި، އެން.އީ.އޯ.ސީގެ ހާއްސަ ހުއްދަ ލިބިފައިވާ މީޑިޔާތަކާއި އަދި ފަރާތްތައް އިސްތިސްނާވާނޭ ކަމަށެވެ.

އެޗްޕީއޭއިން ވަނިކޮށް މި ފިޔަވަޅުތައް ތަންފީޒުކުރުމަށްޓަކައި އާންމުންގެ ކިބައިން އެދިފަ އެވެ.

ފަހުގެ ލިޔުންތައް