މެލޭޝިޔާގައި ކޮވިޑް-19 އަށް ޕޮޒިޓިވް ވި ދިވެހި މީހާ ބަލިން ރަނގަޅުވެ ހޮސްޕިޓަލުން ދޫކޮށްލައިފިއެވެ.
މިކަން އިއުލާނުކުރައްވާ މިހާރު ކުރިއަށްދާ ޕްރެސް ކޮންފަރެންސްގައި ޑރ. ނަޒްލާ ރަފީޤް ވިދާޅުވެފައިވަނީ އެމީހާ ދެނެގަނެވިފައިވާ ކަމަށެވެ. އަދި މެލޭޝިޔާއިން ރާއްޖެއަށް އައި ދިވެހިންގެ ތެރެއިން އެމީހަކާ ކޮންޓެކްޓްވެފައިވާ މީހުން ހޯދަމުމަށްޓަކައި ކޮންޓެކްޓް ޓްރޭސިންގް ގެ މަސައްކަތް ކުރެވެމުން އަންނަ ކަމަށް ޑރ. ނަޒްލާ ވިދާޅުވިއެވެ.
މި މީހާ ޕޮޒިޓިވް ވެފައިވާކަމަށް މެލޭޝިޔާ ސަރުކާރުން އިއުލާނުކޮށްފައިވަނީ މިދިޔަ ހަފްތާގެ ތެރޭގައެވެ.
މީގެ ކުރިން މެލޭޝިޔާ ސަރުކާރުން ވަނީ އެގައުމުގައި ކޮވިޑް-19 އަށް ޕޮޒިޓިވް ވާ އެހެނިހެން ގައުމުތަކުގެ މީހުންނަށް ހިލޭ ފަރުވާ ދޭނެކަމަށް ބެނފައެވެ.
މެލޭޝިޔާގައި މިހާތަނަށް 4،346 މީހުން މިބައްޔަށް ޕޮޒޓިވް ވެފައިވާ އިރު އޭގެ ތެރެއިން 70 މީހުން ވަނީ މަރުވެފައެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)