ރާއްޖޭގައި އިއުލާންކޮށްފައިވާ ކުއްލި ނުރައްކަލުގެ ހާލަތަށް ބަދަލެއް ގެނެސްފައި ނުވާކަމަށް ހެލްތް މިނިސްޓްރީ އިން ބުނެފި އެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގް ވިދާޅުވީ ރާއްޖޭގައި އިއުލާންކޮށްފައިވާ އާންމު ސިއްހަތުގެ ކުއްލި ނުރައްކަލުގެ ހާލަތުގެ މުއްދަތު އިތުރުކުރީ މި ހާލަތު އިތުރު ދެމިއޮތުމަށް ޑިރެކްޓަރ ޖެނެރަލް އޮފް ޕަބްލިކް ހެލްތަށް ފެނިވަޑައިގަތުމުން ކަމަށެވެ.
ރާއްޖޭގައި ސިއްހީ ނުރައްކަލުގެ ކުއްލި ހާލަތު އިއުލާންކޮށްފައިވަނީ 30 ދުވަހުގެ މުއްދަތަކަށެވެ. އެހެންނަމަވެސް ދެވަނަ ފަހަރަށް މި މުއްދަތު އިތުރުކޮށްފައިވާ މުއްދަތެއް ނަޒްލާ ވިދާޅެއް ނުވެއެވެ.
ރާއްޖެއިން މި ދޭތެރެއިން ކައިރި ކައިރިން ވަނީ ހަތަރު ދިވެއްސަކު ކޯވިޑް-19އަށް ޕޮޒިޓިވްވެފައެވެ. އެހެންނަމަވެސް އޭގެފަހުން މީހަކު އަދި މި ބައްޔަށް ޕޮޒިޓިވްވެފައެއް ނުވެއެވެ.
މީގެއިތުރުން ސަރުކާރުން ވަނީ ރާއްޖޭގައި އެއް ހަފްތާއަށް އިއުލާންކޮށްފައިވާ ކާފިއު އުވާލާފާއެވެ. ނަމަވެސް އެއްފަހަރާ ތިން މީހުންނަށް ވުރެ ގިނަ މީހުން މަގުމަތީގައި އުޅުންފަދަ ކަންކަން އަދިވެސް އޮތީ މަނާކޮށްފައެވެ.
މިހާތަނަށް ރާއްޖެއިންވަނީ ކޯވިޑް-19 ގެ ޖުމްލަ 19 ކޭސް ފެނިފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)