މިދުވަސްވަރު ވަޒީފާތަކަށް ނުކުންނަންޖެހޭ މުވައްޒަފުން ވެސް އޮފީހަށް ދިއުމަށްފަހު މަސައްކަތް ކުރާ ޖަގަހަ ސާފުކުރެއްވުމަށް ޑރ. އިބްރާހިމް އަފްޒަލް އެދިވަޑައިގެންފި އެވެ.
މިރޭ ކުރިއަށްދިޔަ ނޫސްވެރިންގެ ބައްދަލުވުމުގައި ޑރ. އަފްޒަލް ވަނީ އޮފީސްތަކުގައި ތިއްބަވާ ޖަގަހަތައް ސާފުކުރެއްވުމުގައި އެބޭފުޅުންގެ އިރުޝާދު ދެއްވާގޮތަށް ސާފުކުރެއްވުމަށް ވެސް ވަނީ އެދިވަޑައިގެންފަ އެވެ.
އެގޮތުން މަސައްކަތް ފެށުމުގެ ކުރިންނާއި ނިންމަފައި ގެއަށް ދިއުމުގެ ކުރިން ބްލިޗް ސޮލިއުޝަން ނުވަތަ ވަކި ސެނިޓައިޒާރ ބޭނުންކޮށްގެން އެ ސަރަހައްދެއް ރަނގަ ސާފުކުރުމަށް ޑރ. އަފްޒަލް ވަނީ އިރުޝާދު ދެއްވާފަ އެވެ.
ހަމައެހެންމެ މަސައްކަތުގެ މާހައުލުގައި ވެސް ވީވަރަކުން އިޖްތިމާއީ ގައިދުރުކުރުން ބެހެއްޓުމަށް ޑރ. އަފްޒަލް ވަނީ އިލްތިމާސްކުރައްވާފަ އެވެ.
އަދި ޑރ. އަފްޒަލް ވިދާޅުވީ މިހާލަތުގައި އެންމެ ރަނގަޅީ މޯބައިލް މެދުވެރިކޮށް ގުޅުން ބަދަހި ކުރުން ކަމަށެވެ.
މިހާތަނަށް ރާއްޖޭގައި ކޮވިޑް-19 އަށް 18 ޕޮޒިޓިވްވެފައިވާއިރު އޭގެ ތެރެއިން 3 މީހުންނަކީ ޔޫކޭ އިން އައި ދިވެހިންނެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)