އެޗްއައިއެޗްގައި ހުންނަ ކަރަންޓީނު ފެސިލިޓީތަކުން އެހެން އައިސޮލޭޝަން ފެސިލިޓީތަކަށް ބަދަލުކޮށްފައި ތިބި މީހުން އިތުރު 14 ދުވަހަށް ކަރަންޓީނުކުރަން ނިންމައިފި އެވެ.
އެޗްއައިއެޗްގައި ކަރަންޓީނުކޮށްފައި ތިބި މީހުން އެހެން ފެސިލިޓީތަކަށް ބަދަލުކުރި އިރު ދަތުރުގެ އިންތިޒާމް ހަމަޖައްސާފައިވަނީ އެންމެން މަސްހުނިވާގޮތަށް ކަމަށް ބުނެ މީގެކުރިންވެސް ވަނީ މައްސަލަތަކެއް ފެންމަތިވެފަ އެވެ. އެޗްއައި އެޗްގައި ތިބި މީހުން ބަދަލުކޮށްފައިވަނީ ރާއްޖޭގެ ބައެއް ރިސޯޓުތަކުގައި ޤާއިމްކޮށްފައި ހުރި ކަރަންޓީނު ފެސިލިޓީ ތަކަށެވެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ރައީސް އޮފީހުގެ އަންޑަރ ސެކްރަޓަރީ މަބްރޫކް އަޒީޒް ވިދާޅުވީ އެކަމާއި ގުޅިގެން އައި ޝަކުވާތަކަށް ރިޢާޔަތް ޓެކްނިކަލް ޓީމުން އެޗައިއެޗުން އެހެން އައިސޮލޭޝަން ފެސިލިޓީތަކަށް ބަދަލުކުރި މީހުން އިތުރު 14 ދުވަހަށް އައިސޮލޭޓް ކުރުމަށް ނިންމާފި ކަމަށެވެ.
މީގެއިތުރުން ޑރ. މުރާދު ވިދާޅުވީ އެޗްއައިއެޗުން ބަދަލުކުރި މީހުން އިތުރު ސާދަދުވަހަށް އައިސޮލޭޓް ކުރުމަށް ޓެކްނިކަލް ޓީމުން ޑޮކްޓަރުންނާއި އަދި ގިނަ ބަޔަކާއި މަޝްވަރާ ކުރިކަމަށެވެ.
މުރާދު ވިދާޅުވީ ގިނަ ގާތްބަޔަކު އެ ފެސިލިޓީތަކުގައި ތިބި ނަމަވެސް މިވަގުތު ވިސްނަންވީ ޤައުމާއި މެދުގައި ކަމަށެވެ.
އައސޮލޭޓްގައި ތިބި މީހުން އިތުރު 14 ދުވަހަށް އެކަހެރިކުރަން ނިންމާފައިވާއިރު، 14 ދުވަސް ފަށާނީ އެޗްއައިއެޗުން އެ ފެސިލިޓީއަކަށް ބަދަލުކުރި ތާރިހުން ފެށިގެން ކަމަށް ޑރ. މުރާދު ވަނީ ވިދާޅުވެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)