ކޯވިޑް-19އިން ރައްކާތެރިވުމަށް ބޭނުންވާ އާލާތްތައް ފޯރުކޮށްދެއްވުމަށް ޑރ. އަބްދުﷲ ނިޔާފް އެދިވަޑައިގެންފި އެވެ.

ޑރ. ނިޔާފް މިފަދައިން ވިދާޅުވެފައިވަނީ ރާއްޖޭގެ މުވާސަލާތީ ދެ ކުންފުނި ކަމަށް ދިރާގާއި އުރީދޫއިން ކުރި ޓްވީޓެއް ރިޓްވީޓް ކުރައްވަމުންނެވެ. 

ރޭ ދުނިޔޭގެ އެކި ކަންކޮޅުތަކުތަކުގައި ފާހަގަކުރި އާތް އަވާރ ފާހަގަކުރުމަށް ދިރާގާއި އުރީދޫއިން ވަނީ ރޭގެ 08:30 ގައި ރާއްޖޭގައި މަސައްކަތްކުރާ ސިއްހީ ހިދުމަތްތެރިންގެ އަގުވަޒަންކުރުމަށް އެންމެންވެސް އަތްތިލަބަޑިޖެހުމަށް އެދިފައެވެ.

ދިރާގާއި އުރީދުން ކުރި މި ޓްވީޓް، ރިޓްވީޓް ކުރައްވަމުން ޑރ. ނިޔާފް ވަނީ ސއްހީ ހިދުމަތްތެރިން ވަމުންދާ މިފަދަ ޤުރުބާނީތައް މަދުކުރުމަށް އެހީތެރިވާން ބޭނުންވާނަމަ، ސިއްހީ އެހީތެރިންނަށް ބަލިން ރައްކާތެރިވުމަށް ބޭނުންވާ އާލާތްތައް ފޯރުކޮށްދެއްވުމަށް އެދިވަޑައިގެންފަ އެވެ.

ހަމައެހެންމެ ޑރ. ނިޔާފްވަނީ ހޭޝްޓެގް އެއްގައި އެންމެންވެސް ރަމްޒީ މަސައްކަތްތައް މަދުކޮށް، އަމަލީގޮތުން މިކަމަށްޓަކައި މަސައްކަތްތައް ކޮށްދެއްވުމަށް އެދިވަޑައިގެންފަ އެވެ. އަދި މާލޭގެ އިތުރުން، މާލެއިން ބޭރަށްވެސް ފިކުރުކުރުމަށް ޑރ. ނިޔާފުވަނީ އެދިލައްވާފަ އެވެ.

ރާއްޖޭގައި މިހާތަނަށް ވަނީ 17 މީހަކު ވަނީ ކޯވިޑް-19 އަށް ޕޮޒިޓިވްވެފައެވެ އޭގެތެރެއިން 2 މީހަކު ރާއްޖެ ދޫކޮށް ގޮސްފައިވާއިރު، 11 މީހުންވަނީ ބަލިން ރަނގަޅުވެފަ އެވެ.

ކޯވިޑް-19ގެ ކޭސްތައް އިތުރުވުމުގެ ސަބަބުން ދުނިޔޭގެ ބައެއް ޤައުމުތަކުން މިހާރުވަނީ ބަލިން ރައްކާތެރިވުމަށް ބޭނުންވާ މާސްކް، ގޮގްލްސް ސޫޓް، އަންގި އަދި ވެންޓިލޭޓަރ ފަދަ އާލާތްތައްވެސް ހުސްވާން ފަށާފައެވެ.

ގުޅުންހުރި ލިޔުންތައް

ފަހުގެ ލިޔުންތައް