ރާއްޖެއިން ކޯވިޑް-19 ޖެހުނު މީހުންގެ ތެރެއިން އިތުރު ދެމީހަކު ރަނގަޅު ވެއްޖެ އެވެ.

މިއަދު ކުރިއަށްދިޔަ ޕްރެސް ކޮންފަރެންސްގައި ޑރ. މުއާޒް ވިދާޅުވީ މިއަދު ރަނގަޅުވި ދެމީހުންނާއެކު، މިހާތަނަށް ރަނގަޅުވި މީހުންގެ އަދަދު 11އަށް އަރާފައި ކަމަށެވެ.

ރާއްޖެއިން މިހާތަނަށް ވަނީ 16 މީހަކު ކޯވިޑް-19އަށް ޕޮޒިޓިވްވެފަ އެވެ. އޭގެތެރެއިން 14 މީހަކު މިހާރު ތިބީ ރާއްޖޭގަ އެވެ އަދި ދެ މީހަކު ވަނީ ޕޮޒިޓިވްވިކަން ނޭނގި އިޓަލީއަށް ގޮސްފަ އެވެ. 

ރާއްޖެގައި ތިބި 14 މީހުންގެ ތެރެއިން މިހަރު ބައްޔަށް ފަރުވާ ހޯދަމުން ދަނީ 3 މީހުންނެވެ.

އަދި އެންމެފަހުން އިއްޔެ ބައްޔަށް ޕޮޒިޓިވްވި ދިވެހި މީހާގެ ހާލު ރަނގަޅުކަމަށް ރައީސުލްޖުމްހޫރިއްޔާގެ އަންޑަރ ސެކްރަޓަރީ މަބްރޫކް އަޒީޒް ވަނީ ވިދާޅުވެފަ އެވެ.

ފަހުގެ ލިޔުންތައް