ރާއްޖޭގައި ޕޮޒިޓިވްވާ ކޮވިޑް-19ގެ ކޭސްތަކާއި އަދި އެހެންކަމާއި ގުޅޭގޮތުން ފިޔަވަޅު އަޅަމުން ގެންދާނޭކަމަށް ކޮވިޑް-19ގެ މައުލޫމާތު ދިނުމަށް ހާއްސަ ސްޕޯކްސް ޕާރސަން މަބްރޫކް އަޒީޒް ވިދާޅުވެއްޖެ އެވެ.

މަބްރޫކް މިހެން ވިދާޅުވެފައިވަނީ ކޮވިޑް-19އަށް ޕޮޒިޓިވްވި އިޓަލީގެ ފަތުރުވެރިޔާ ބަލިވެ ހުއްޓާ ފުރުވާލި މައްސަލައިގެ ޖިނާއީ ތަހުގީގެއްކުރުމަށް ޕްރޮސެކިއުޓަރ ޖެނެރަލް ހުސެއިން ޝަމީމް ފުލުހުންގެ ކިބައިން އެދެފައިވަނި ކޮށެވެ.

އިޓަލީގެ ފަތުރުވެރިޔާ ޤައުމަށް ފޮނުވާލި މައްސަލަ ތަހްގީގްކުރަމުން އަންނަކަމަށް ޓޫރިޒަމް މިނިސްޓަރ އަލީ ވަހީދުވެސް ވަނީ ވިދަޅުވެފައެވެ.

އިޓަލީގެ މިފަތުރުވެރިޔާ ރާއްޖޭގައި ޗުއްޓީ ހޭދަކޮށްފައިވަނީ ރާއްޖެއިން ކޮވިޑް-19 އަށް އެންމެ ފުރަތަމަ ޕޮޒިޓިވް ވި ދެ މުވައްޒަފުން މަސައްކަތްކުރަމުންދިޔަ ޅ. ކުރެއްދޫ ރިސޯޓުގައެވެ. އަދި އެ މީހާ ރިސޯޓުގައި ހުރި އިރުވެސް، ބަލީގެ އަލާމާތްތައް ހުރި ކަމަށާއި، ނަމަވެސް އެކަން ރިޕޯޓުކޮށްފައިނުވާ ކަމުގެ ތުހުމަތުތައް ދަނީ ކުރެވެމުންނެވެ. އޭގެ ފަހުން، އޭނާ ފުރުމުގެ ކުރިން މާލޭގައިވެސް ދެ ދުވަހު ހުރިކަމަށް މިއަދު ސާރުކާރުން ވަނީ ހާމަކޮށްފަ އެވެ.

އޭނާ މަޑުކޮށްގެން ހުރި މާގިރި ހޮޓެލްގެ 15 މީހަކާ އެ ޓޫރިސްޓް ކޮންޓެކްޓްވި އެވެ. އެ އެންމެން ވެސް އެކަހެރިކޮށްފައިވާއިރު އެއިން މީހެއްގެ ފަރާތުން އަދި އަލާމާތެއް ނުފެނެ އެވެ. ނަމަވެސް އެ ޓޫރިސްޓް، ޓިކެޓް ގަތް ޔުނިވާސަލްގެ ޓިކެޓް އޮފީހުގެ މުވައްޒަފެއްގެ ފަރާތުން އަލާމާތްތައް ފެންނާތީ މިހާރު އޭނާ ކަރަންޓީނު ކުރުމުގެ މަސައްކަތް ދަނީ ކުރަމުންނެވެ.

އޭނާ ކަރަންޓީނުކޮށް ސާންޕަލްތައް މިއަދުގެ ވަގުތެއް ނެގުމަށް ވަނީ ހަމަޖެހިފަ އެވެ. އޭނާ ކަރަންޓީނު ކުރަނީ ފަރުކޮޅުފުށީގަ އެވެ.

ނޮވެލް ކޮރޯނާވައިރަސް ދުނިޔޭގެ 112 ގައުމަކަށް ފެތުރިފައިވާއިރު 111،000 މީހުން ބައްޔަށް ޕޮޒިޓިވް ވެ 3،800 މީހުން ވަނީ މަރުވެފައެވެ.

ގުޅުންހުރި ލިޔުންތައް

ފަހުގެ ލިޔުންތައް