އައިޖީއެމްއެޗްގައި އުފަންވާ ކޮންމެ ކުއްޖަކަށް އެސްޓީއޯއިން ހަދިޔާ ފޮއްޓެއް ދޭން ނިންމައިފި އެވެ.
އެސްޓީއޯ އިން ބުނީ މި ހަދިޔާ ފޮއްޓަކީ ސަރުކާރުންދޭން ވައުދުވި ހަދިޔާ ނޫންކަމަށެވެ. އަދި މިއަދުން ފެށިގެން އައިޖީއެމްއެޗްގައި އުފަންވާ ކޮންމެ ކުއްޖަކަށް އެސްޓީއޯގެ ފަރާތުން ހަދިޔާ ފޮއްޓެއް ދޭނެކަމަށް އެސްޓީއޯއިން ވަނީ ބުނެފަ އެވެ.
އެސްޓީއޯއިން ބުނިގޮތުގައި އައިޖީއެމްއެޗްގައި އުފަންވާ ކުދިންނަށް އެ ހޮސްޕިޓަލުން ވައުޗަރެއް ހަވާލުކުރާނެއެވެ. އަދި ވައުޗަރުން ހަދިޔާ ދޫކުރާނީ އެސްޓީއޯ ބޭސް ފިހާރައިން ކަމަށްވެސް ވަނީ ބުނެފަ އެވެ.
އެސްޓީއޯއިން އަލަށް އުފަންވާ ކުދިންނަށް ހަދިޔާ ފޮށި ދޭންފެށި ނަމަވެސް، ސަރުކާރުން އަލަށް އުފަންވާ ކުދިންނަށް "ބޭބީ ބޮކްސް" ދޭން ނުފަށާކަމަށް ރައީސް އޮފީހުން ވަނީ ބުނެފަ އެވެ.
އެގޮތުން ރައީސްގެ ތަރުޖަމާން އިބްރާހިމް ހޫދު މިއަދު ވިދާޅުވީ އެއީ ސަރުކާރުގެ ޕޮލިސީގެ ތެރޭގައި ހިމެނޭ ކަމެއް ނޫން ކަމަށާއި އެސްޓީއޯ އިން އަމިއްލަ އަށް ހިންގާ ކަމެއް ކަމަށެވެ. ރައީސް ވެވަޑައިގަތް ހަދިޔާ ދިނުމުގެ ވައުދު ވެސް ވަރަށް އަވަހަށް ފުއްދަވާނެ ކަމަށް ހޫދު ވިދާޅުވި އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)