ކޮވިޑް-19އަށް ޕޮޒިޓިވްވާ 80 އިންސައްތަ މީހުންގެ ލޭގައި ހުންނަ ވިޓަމިން-ޑީ މަދުވާކަމަށް ދާދިފަހުން ހެދި ދިރާސާއަކުން ދައްކައިފި އެވެ.

ޖާނަލް އޮފް ކްލިނިކަލް އެންޑޮކްރިނޮލޮޖީ އެންޑް މެޓަބޮލިސަމް ގައި ޝާއިއު ކޮށްފައިވާ މި ދިރާސާގައި ވަނީ ކޮވިޑް-19 ޖެހިގެން ސްޕެއިންގެ ހޮސްޕިޓަލެއްގައި އެޑްމިޓްކުރި 216 ބަލިމީހުންގެ ޑާޓާތައް ބަލާފައެވެ. 

މި ދިރާސާއަށް ފަހު ރިސާޗަރުން ވަނީ ކޮވިޑް ޖެހުނު މީހުންގެ ތެރެއިން 82.2 އިންަސައްތަ މީހުންގެ ގައިން ވިޓަމިން-ޑީ މަދުކަމަށް ބުނެފަ އެވެ. އަދި ހާއްސަކޮށް ކޮވިޑް ޖެހޭ އަންހެނުންނަށްވުރެ ފިރިހެނުންގެ ވިޓަމިން-ޑީ މަދުކަމަށް ވަނީ ބުނެފަ އެވެ. 

ވިޓަމިން-ޑީ ޑެފިޝަންސީ ހުންނަ މީހުން ފަސޭހައިން ހައިޕަރޓެންޝަން (ލޭ މައްޗަށް ދިޔުން) ވުމުގެ އިތުރުން ހިތުގެ ބަލިތަކަށް ހުށަހެޅުމުގެ ފުރުސަތު ބޮޑެވެ. އަދި އެފަދަ މީހުންނަށް އެޑްމިޓްކޮށްގެން ކޮވިޑަށް ފަރުވާދޭން ޖެހޭ މުއްދަތުވެސް އިތުރުކަމަށް ވަނީ ބުނެފަ އެވެ. 

ޔުނިވަރސިޓީ އޮފް ހޮހެންހެއިމްގެ ޕްރޮފެސަރެއް ކަމަށްވާ ޑރ. ހަންސް ކޮންރަޑް ވިދާޅުވިގޮތުގައި ވިޓަމިން-ޑީ ޑެފިޝަންސީ ހުންނަ މީހުން ހައިޕަރޓެންޝަން ވުމުގެ އިތުރުން, ހަކުރުބަލި ޖެހުމާއި، އަދި އޮބޭސިޓީވުމުގެ ފުރުސަތުވެސް ބޮޑުވެއެވެ. 

އެހެންނަމަވެސް ވިޓަމިން ޑެފިޝަންސީ ހުންނަ އުމުރުން ދުވަސްވީ މީހުންނާއި، ސިއްހީ ގޮތުން ނުރައްކާ އޮންނަ މީހުންަނަށް ވެސް ފަރުވާ ދެވޭނެކަމަށް މި ދިރާސާގައި ވަނީ ބުނެފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް