އެމެރިކާގެ ޓެކްސަސްއިން ދާދިފަހުން ވަނީ ފްލައިޓެއްގައި ދަތުރުކުރަމުން ދަނިކޮށް ކުއްލިގޮތަކަށް މަރުވި މީހަކު ކޮވިޑް-19އަށް ޕޮޒިޓިވްވެފައިވާ ކަމަށް ބުނެފަ އެވެ. މިއީ ފްލައިޓެއް ތެރޭގައި ކޮވިޑްގެ ބަލީމީހެއް މަރުވި ފުރަތަމަ ފަހަރެވެ.
މި މީހާ މަރުވެފައި ވަނީ ޖުލައި މަސްތެރޭގައި ނަމަވެސް، ޑަލާސް ކައުންޓީ އޮފިޝަލުން މިކަން ޔަގީންކޮށްދީފައިވަނީ މި ހަފްތާގަ އެވެ.
އޮފިޝަލުން މައުލޫމާތު ދޭގޮތުގައި ފްލައިޓްތެރޭގައި މަރުވި 30 އަހަރުގެ މި އަންހެންމީހާ އަކީ ދިގު މުއްދަތަށް ބޭސްފަރުވާ ކުރަމުންދިޔަ މީހެކެވެ. އެހެންނަމަވެސް، މި ކޭސްގައި އެއާލައިންގެ އިހުމާލެއް އޮތްކަމަށް ރިޕޯޓުގައި ފާހަގަކޮށްފައެއް ނުވެއެވެ.
ޑަލާސް ކައުންޓީގެ ޖަޖް ބުނިގޮތުގައި އަންހެންމީހާގެ ހާލަތުގޯސް ވެފައިވަނީ ފަްލައިޓް ލޭންޑްކުރި ފަހުންނެވެ. އެގޮތުން އަންހެންމީހާ މަރުވެފައިވަނީ ނޭވާލުމަށް ދަތިވެގެން ކަމަށް ވަނީ ބުނެފަ އެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)