ކޮވިޑް 19 އަށް ރާއްޖެއިން މިއަދު 25 މީހުން ޕޮޒިޓިވް ވެއްޖެ އެވެ.
މިއަދު ޕޮޒިޓިވްވީ މީހުންގެ ތެރޭގައި ހިމެނެނީ 19 ދިވެހިންނާއި ބަންގްލަދޭޝްގެ ހަތަރު ރައްޔިތުންނާއި އިންޑިއާ އަދި ނޭޕާލްގެ އެކަކެވެ.
މިއަދު އިތުރު 54 މީހަކު ވެސް ވަނީ ބަލިން ރަނގަޅުވެފަ އެވެ. އެއާއެކު ރާއްޖެއިން ބަލި ޖެހުނު މީހުންގެ ތެރެއިން ޖުމްލަ 2030 މީހަކު މިވަނީ ބަލިން ރަނގަޅުވެފަ އެވެ
މިއަދު ޕޮޒިޓިވްވި މީހުންގެ ތެރޭގައި އައިޖީއެމްއެޗްގައި ކެންސަރު ބަލީގައި މަރުވި އިންޑޮނޭޝީއާގެ މީހާގެ ކޮންޓެކްޓް ޓްރޭސިން އިން ދެނެގަނެވުނު މީހުން ހިމެނެއެވެ. އޭނާ ކޮވިޑަށް ޕޮޒިޓިވްވެވައި ވީނަމަވެސް އެޗްޕީއޭ އިން ނިންމާފައިވަނީ، އޭނާ މަރުވި ސަބަބަކީ ކެންސަރު ބަލި ކަމަށެވެ. އަދި އެއީ ކޮވިޑާ ގުޅުމެއް ނެތް މަރެއްގެ ގޮތުގައި ވަނީ ނިންމާފަ އެވެ.
އައިޖީއެމްޗް އިން ބުނާ ގޮތުގައި، އެ ކޭސްއާ ގުޅިގެން މިހާތަނަށް 11 މީހަކު އެ ހޮސްޕިޓަލުން ޕޮޒިޓިވްވެފައިވާ ކަމަށެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)