އާމަނަކަ ނުވަތަ ކާސްޓަރ ތެލަކީ އަޅުގަނޑުމެން އެންމެ ކުރީއްސުރެ ނަން އަޑު އަހާފައި ވާނޭ ބޭހެކެވެ. މި ބޭހުގެ ބޭނުންތަކުގެ ތެރޭގައި ފާހަނަޔަށް ދިޔުމުގެ މައްސަލަތަކަށް އަދި ބަނޑު ބޮޑުމީހުން ވިއްސުން ހިމެނެއެވެ. މި ތެލަކީ ކާސްޓަރ އޮށް އޭގެ ތޮށި ނެއްޓުމަށްފަހު ޗިސްކޮށްގެން ހަދާއެއްޗެކެވެ. އޭގެ ތޮއްޓަކީ ރިސިން ކިޔާ ވިހައެއް ހުންނަ އެއްޗެކެވެ.

ކަސްޓަރ ތެލުގެ ފައިދާތަކުގެ ތެރޭގައި:

• ކޮލޮނޮސްކޮޕީހެދުމުގެ ކުރިން ފާހަނަޔަށް ދިޔުން ހަމަޔަކަށް އެޅުމަށެވެ. ބައެއް ދިރާސާތަކުން ދައްކާގޮތުގައި އާމަނަކަ ތެޔޮ ކޮލޮނޮސްކޮޕީގެ ކުރިން އެއް ޑޯޒް ނެގުމުން ފާހަނަޔައް ދިޔުން ހަމަޖެހެއެވެ. ނަމަވެސް އެހެން ޓެސްޓްތަކަށް މިހެން މަސައްކަތް ނުކޮށްފާނެއެވެ.
• ބަނޑު ހިކުން: އާމަނަކަ ތެލަކީ ބަނޑު ދިޔާކޮށްދޭ ބަނޑު ހިކުމަށް ވަރަށް ރަނގަޅު އަނގައިން ބޭނުންކުރެވޭ ބޭހެކެވެ.
• ދަރިން ނުހޯދުމަށް: ބާރތް ކޮންޓްރޯލް އެއްގެގޮތުގައި ކާސްޓަރ އޮށް 8-12 މަސް ވަންދެން ބޭނުން ކުރެވޭނެކަމަށް ދިރާސާތަކުން ދައްކައެވެ.
• ލޯހިކުމުން: ލޯ އަވަސް އަވަހަށް ހިކޭމީހުނަށް އާމަނަކަ ތެޔޮ ހިމެނޭ ލޮލަށް އަޅާބޭސް ބޭނުން ކުރުމުން އަވަސް ޝިފާއެއް ލިބެއެވެ.
• ބަނޑުބޮޑު މީހުން ވިއްސުމަށް: 60މލ ގެ އާމަނަކަ ތެޔޮ ބޭނުން ކޮށްގެން އާދައިގެ ބަނޑުބޮޑު މީހެއް ވިއްސުމަށް ހަށިގަނޑު ފަށައިދޭކަމަށް ވެއެވެ. ހޯދުންތަކުން ދައްކާގޮތުގައި "ފެންދުލި ފަޅާން" ގޮސްފައި ވާ ބަނޑުބޮޑުމީހުން އާމަނަކަ ތެޔޮ ބޭނުން ކޮށްފިނަމަ ވިހަން ފަސޭހަވެ ސިސޭރިއަން އަކަށް ދާންޖެހުމުގެ ފުރުސަތު ކުޑަވެއެވެ.

މި ތެލުގައި ފައިދާތަކެއް ވީއިރު ބައެއް އުނދަގޫތަކެއް ވެސްވެއެވެ. އެގޮތުން ބަނޑުގައި ރިއްސުމާއި، އަކުނިވަޔަށް ދެމުމާއި، ބޯ އަނބުރާ ހޭނެތުން ހިމެނެއެވެ. ގިނަދުވަސް ވަންދެން ގިނަ އަދަދަކަށް އަދި ތޮށި ލައިގެން މި ބޭސް ބޭނުން ކޮށްގެން ނުވާނެއެވެ. އޭގެސަބަބުން ހަށިގަނޑުން ފެނާއި ޕޮޓޭސިއަމް މަދުވެދާނެތީއެވެ. އަދި ތޮއްޓަކީ ވިހަޔަކަށް ވާތީއެވެ.

ފަހުގެ ލިޔުންތައް