ދަރިމައިވުމުގެ މަރުހަލާގައި ދަތިތައް ކުރިމަތިވާ އަންހެނުންނަށް ހާއްސަކޮށް ފާރޓިލިޓީ ސަޕޯޓު ގްރޫޕުން ބާއްވާ ސިލްސިލާ ސެޝަންތަކުގެ ތެރެއިން މައުލޫމާތު ދިނުމުގެ ތިންވަނަ ސެޝަން ބޭއްވުމަށް ނިންމައިފި އެވެ.
"ފާރޓިލިޓީ ސަޕޯޓު ގްރޫޕް" ގެ ނަމުގައި ހިންގާ މި ގްރޫޕަކީ އަމިއްލަ ބަޔެއްގެ އިސްނެގުމުގެ މަތިން ރާއްޖޭގައި ދަރިމައިވުމުގެ މަރުހަލާގައި ދަތިތަތަކާއި ކުރިމަތިވާ އަންހެނުންނަށާއި އަދި އައިވީއެފް ޓްރީޓްމަންޓް ހެދުމަށް ތައްޔާރުވަމުންދާ އަންހެނުންނަށް އިތުރަށް ހިތްވަރު ދިނުމަށްޓަކައި އުފައްދާފައިވާ ސަޕޯޓު ގްރޫޕެކެވެ.
ފެބްރުއަރީ 7 ގައި އޮންނަ ސެޝަންގައި ބައިވެރިވުމަށް މި ލިންކްއަށް ފިއްތާލައްވާ!
އަންނަ ފެބްރުއަރީ މަހު 7 ވަނަ ދުވަހު ބާއްވާ މިގްރޫޕްގެ ތިން ވަނަ ސެޝަންގައި މައުލޫމާތު ދެއްވާނީ ރާއްޖޭގެ މަޝްހޫރު ޑައިޓީޝަން އިއާޝާ ހުސެއިން އެވެ. އިއާޝާ ކުރިއަށް ގެންދަވާ މައުލޫމާތު ސެޝަންގައި ޕޮލިސިސްޓިކް އޯވަރީ ސިންޑްރަމް (ޕީސީއޯއެސް) ތަހައްމަލް ކުރަމުންދާ އަންހެނުންނަށް ދުޅަހެޔޮ ލައިފްސްޓައިލެއް އަދި ނިއުޓްރިޝަންއާ ގުޅޭ ގޮތުގެ މައުލޫމާތު ފޯރުކޮށްދޭނެ އެވެ.
ޑޮކްޓަރ.އެމްވީ އަށް މައުލޫމާތު ދެއްވަމުން ފާރޓިލިޓީ ސަޕޯޓު ގްރޫޕްގެ ފަރާތުން އާޝާ ހުސެއިން ވިދާޅުވީ، މި ސެޝަންގައި ބައިވެރިވާނީ މުޅިންވެސް ދަރިމައިވުމަށް ދަތިތަކާއި ކުރިމަތިވެފައިވާ އަންހެނުންކަމަށެވެ. މީގެ އިތުރުން، ޑައިޓީޝަން އިއާޝާގެ ސެޝަން ފެށުމުގެކުރިން މިކަމުގައި ބައިވެރިވާ އަންހެނުން އެކަކު އަނެކަކަށް ސަޕޯޓުދީ ވާހަކަތައް ހިއްސާކުރުމުގެ ސެޝަނެއް ކުރިއަށް ގެންދާނޭކަމަށް ވެސް އާޝާ ވަނީ ވިދާޅުވެފަ އެވެ.
You can register for this at https://t.co/64u5pd9MPd pic.twitter.com/1VegtF0GQ4
— 🍍 (@AshaHussain787) January 26, 2020
އާޝާ ވިދާޅުވިގޮތުގައި މި ސެޝަންގައި ޕީސީއޯއެސް އަދި އެންޑިމެޓްރިއޯސިސް ތަހައްމަލް ކުރަމުންދާ އަންހެނުންނާއި އަދި އައިވީއެފް ހެދުމަށް ޑޮކްޓަރުން އިރުޝާދު ދެއްވާފައިވާ އަންހެނުންގެ އިތުރުން އަވަސް މުއްދަތެއްގައި އައިވީއެފްގެ ފަރުވާ ލިބިގަތުމަށް ތައްޔާރުވަމުންދާ އަންހެނުންނަށް ވެސް ސެޝަންތަކުގައި ބައިވެރިވުމުގެ ފުރުސަތު ވަނީ ހުޅުވާލާފަ އެވެ.
އަދި މި ސެޝަންތަކުގެ ޒަރިއްޔާއިން ދަރިމައިވުމާއި ގުޅޭގޮތުން އިތުރު މައުލޫމާތު ލިބި އަދި ދަރިމައިވުމާއި ގުޅޭގޮތުން ހިއްސާކުރަން އުނދަގޫ ވާހަކަތައްވެސް ހިއްސާކުރުމަށް އިތުރު ހިތްވަރު ލިބިގެންދާނޭ ކަމަށް އާޝާ ވަނީ ވިދާޅުވެފަ އެވެ.
ފާޓިލީ ސަޕޯޓު ގްރޫޕް ވުޖޫދަށް އައިސްފައިވަނީ މި ގްރޫޕްގެ ފައުންޑަރ އަދި "އައިވީއެފްމަމް"ގެ ނަމުގައި އިންސްޓަގްރާމް އެކައުންޓެއް ހިންގާ ބްލޮގަރ އާޝާގެ އަމިއްލަ ދިރިއުޅުމުން އިންސްޕަޔާވެގެން ނެވެ.
މިސެޝަންއާއި ބެހޭ އިތުރު މައުލޫމާތު ހޯދުމަށް: 7911032
ފެބްރުއަރީ 7 ގައި އޮންނަ ސެޝަންގައި ބައިވެރިވުމަށް މި ލިންކްއަށް ފިއްތާލައްވާ!
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)