ސިއްހީ ދާއިރާއިން އެކި އެކި ދިރާސާ ހެދުމަށް އެއްބާރުލުން ދިނުމުގެ ގޮތުން އޭޑީކޭ ހޮސްޕިޓަލުން އެމްއޯޔޫ އެއްގައި ސޮއިކޮށްފިއެވެ.
އެ ހޮސްޕިޓަލުން ވަނީ މޯލްޑިވްސް ރިސާޗާއި ވިލާ ކޮލެޖް އަދި ވިލާ ފައުންޑޭޝަނާ އެކު ސޮއިކޮށްފަ އެވެ.
މިއީ ރާއްޖޭގެ އިޖުތިމާއީ ތަފާތު ދާއިރާތަކުގައި ދިރާސާކޮށް އާ ހޯދުންތަކަށް މަގުފަހިކުރުމުގައި އެއްބާރުލުން އިތުރުކުރުމަށާއި ގުޅިގެން މަސައްކަތް ކުރުމަށް ހެދި އެއްބަސްވުމެކެވެ.
އޭޑީކޭ ހޮސްޕިޓަލާއި މޯލްޑިވްސް ރީސާޗާއި ދެމެދު ސޮއި ކުރެވުނު އެމްއޯޔޫގައި ދެފަރާތުން އެއްބަސްވެފައިވަނީ ސިއްހީ ދާއިރާއިން ދިރާސާ ކުރުން ކުރިއެރުވުމަށް އެއްބާރުލުން ދިނުމާއި، މައުލޫމާތު ފޯރުކޮށްދިނުމުގެ އިތުރުން ތަމްރީންތައް ދިނުމަށް އެހީތެރިވެދިނުމަށެވެ.
މިއެމްއޯޔޫތަކަކީ ރާއްޖޭގެ ދިރާސާކުރުމުގެ ދާއިރާ އިތުރަށް ފުޅާވެ ކުރިއަރައިގެން ދާން ބޮޑު ހިތްވަރަކަށްވެ، މިދިރާސާތަކަކީ ރާއްޖޭގެ ތަރައްގީ އަދި ކުރިއެރުމަށް މުހިއްމު ދައުރެއް އަދާކުރާނެ އެއްޗަކަށް ވެގެންދާނެ ކަމަށް އުއްމީދުކުރައްވާ ކަމަށް އެ ފަރާތްތަކުން ބުންޏެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)