ކޮރޯނާވައިރަސް ނުވަތަ ކޮވިޑް-19 ޖެހޭ ކޮންމެ 5 މީހެއްގެ ތެރެއިން އެކަކަށް 90 ދުވަސްތެރޭގައި ނަފްސާނީ ބަލި ތަހައްމަލް ކުރަންޖެހޭ ކަމަށް ދިރާސާއަކުން ދައްކައިފި އެވެ.

ދަ ލަންސެޓް ސައިކިއެޓްރީ ޖާނަލްގައި ޝާއިއުކޮށްފައިވާ މި ދިރާސާގައި ވާގޮތުން ކޮވިޑަށް ޕޮޒިޓިވްވާ 18 އިންސައްތަ މީހުންނަށް 90 ދުވަސްތެރޭގައި ނަފްސާނީ ބަލިތައް ކަމަށްވާ ޑިޕްރެޝަން އަދި އެންޒައިޓީ ތަހައްމަލްކުރަން ޖެހުމުގެ ފުރުސަތު އޮވެއެވެ.

މި ދިރާސާ ހެދުމަށް 69 މިލިޔަން މީހުންގެ ޑާޓާ އެނަލައިޒް ކޮށްފައިވާއިރު، އޭގެތެރެއިން 62،354 މީހުންނަކީ ކޮވިޑު ޕޭޝަންޓުންނެވެ. އަދި ރިސާޗަރުންވަނީ މި މީހުންގެ މެދުގައި އުފެދޭ ނަފްސާނީ މައްސަލަތައް ދިރާސާ ކޮށްފައެވެ.

ނަތީޖާއެއްގެ ގޮތުން ދިރާސާގެ ރިޕޯޓުގައި ވަނީ ކޮވިޑު ޖެހޭ މީހުންގެ މެދުގައި އެންޒައިޓީ ޑިސްއޯޑަރ، ޑިމެންޝިއާ އަދި ނިދުމަށް ދަތިވާ އިންސޮމްނިއާ ވެސް ތަހައްމަލްކުރަން ޖެހޭކަމަށް ބުނެފައެވެ. އަދި މިއަށްވުރެ ސީރިއަސް ނަފްސާނީ މައްސަލަތައް ކުރިމަތިވާކަމަށް ވަނީ ބުނެފަ އެވެ.

މީގެ ކުރިން ހެދި މިފަދަ ބައެއް ދިރާސާތަކުން ވެސް ވަނީ ކޮވިޑް-19 އާއި ގުޅިގެން ނަފްސާނީ ބަލި ކުރިމަތިވާކަން ދެނެގަނެވިފަ އެވެ.

ގުޅުންހުރި ލިޔުންތައް

ފަހުގެ ލިޔުންތައް