އިންޑިއާގެ ސެރަމް އިންސްޓިޓިއުޓުން އުފައްދާފައިވާ ކޮވިޝީލްޑް ވެކްސިން ފަސް ޤައުމަކަށް ފޮނުވައިފިއެވެ.

އެގޮތުން އިންޑިޔާއިން ވަނީ މޮރިޝަސްއަށް އެއްލައްކަ ޑޯޒް، މިއަންމާއަށް 1.5 މިލިއަން ޑޯޒް، ސީޝެލްސްއަށް 50 ހާސް ޑޯޒް، ބްރެޒިލް އަދި މޮރޮކޯއަށް ދެ މިލިއަން ޑޯޒް ފޮނިވާފަ އެވެ.   އަދި ރާއްޖެއަށްވެސް ވަނީ މި ވެކްސިން ފޯރުކޮށްދީފަ އެވެ. ރާއްޖެއަކީ އެގައުމުން ވެކްސިން ފޮނުވި ފުރަތަމަ ގައުމެވެ.

އިންޑިއާއިން ބުނީ އެސްޓްރަޒެނެކާގެ އޮކްފޯރޑް ޔުނިވަރސިޓީ ކޮލަރބްރޭޓްވެފައިވާ މި ވެކްސިން ކުރިއަށް އޮތްތަނުގައި އިތުރު ގައުމުތަކަށް ވެކްސިން ފޯރުކޮށްދޭނެ ކަމަށެވެ.

އެސްޓްރަޒެނެކާގެ ވެކްސިންތައް އެމަރޖެންސީކޮށް ބޭނުންކުރުމުގެ ހުއްދަ ގިނަ ގައުމުތަކުގައި ވަނީ ދީފައެވެ. އެގޮތުން އިނގިރޭސިވިލާތް، ޕާކިސްތާން، ބްރެޒިލް އަދި މެކްސިކޯ ފަދަ ގައުމުތައް ހިމެނެއެވެ.

ގުޅުންހުރި ލިޔުންތައް

ފަހުގެ ލިޔުންތައް