ކޮވިޑް-19ގެ ހާލަތު ގޯސްވެފައިވާ އިނގިރޭސިވިލާތުން ވައިރަހުގެ ތިންވަނަ ވެކްސިނެއް ބަލައިގެންފައިވާކަމަށް ބުނެފިއެވެ.
އިނގިރޭސިވިލާތުން މިފަހަރު ބަލައިގެންފައިވަނީ އެމެރިކާގެ މޮޑަރނާ ކުންފުނިން އުފައްދާފައިވާ ވެކްސިނެކެވެ. އަދި އަލަށް ބަލައިގަތް ވެކްސިނަކީ ފައިޒާ ވެކްސިނެކޭ އެއްގޮތަށް މަސައްކަތް ކުރާ ވެކްސިނެކެވެ.
އިނގިރޭސިވިލާތުން ވަނީ މޮޑަރނާ ވެކްސިނުގެ 17 މިލިޔަން ޑޯޒަށް މިހާރު ޕްރި-އޯޑަރ ދީފައެވެ. އެހެންނަމަވެސް އޭގެތެރެއިން 10 މިލިޔަން ވެކްސިން ޑޯޒް ލިބޭނެ ތާރީހެއް އަދި ޔަގީން ނުވާކަމަށް އިނގިރޭސިވިލާތުން ވަނީ ބުނެފަ އެވެ.
މޮޑަރނާ އަކީ އެންމެފަހުން ފައިނަލް ޓްރަޔަލް ޑާޓާ ނިންމި ވެކްސިނެވެ. ކޮވިޑް-19އަށް އެތައް ވެކްސިނެއް އުފެއްދުމުގެ މަސައްކަތް އަދިވެސް ދަނީ ކުރިޔަށެވެ.
އިނގިރޭސިވިލާތުގައި މިހާރު ދެމުން ގެންދަނީ ފައިޒާ ވެކްސިނާއި، އަސްޓްރާޒެނެކާގެ ވެކްސިނެވެ.
ތިބާގެ ޚިޔާލު
މި ލިޔުމަށް ލިބިފައިވާ ކިޔުންތެރިންގެ ޚިޔާލު (0)