ރެޑިއުސްޑް ފެޓް މިލްކް ބޯކުދިންނަށްވުރެ، ފުލް-ފެޓް މިލްކް ބޯ ކުދިން އާދަޔާހިލާފަށް ބަރުވުން ނުވަތަ ފަލަބައްޔަށް ހުށަހެޅޭ މިންވަރު 40 އިންސައްތައަށް ދަށްކަމަށް ކެނޭޑިއާގެ ދިރާސާއަކުން ދައްކައިފި އެވެ.

ޓޮރޮންޓޯގައި ހުންނަ އެސްޓީ. މައިކަލް ހޮސްޕިޓަލްއިން އިސްނަގައިގެން ހެދި މި ދިރާސާއަށް ވަނީ ހަތް ޤައުމަކުން 1 އަހަރާއި 18 އަހަރާއި ދެމެދުގެ 20،897 ކުޑަކުދިންގެ 28 ދިރާސާއެއް ބަލާފައެވެ. މި 28 ދިރާސާއަކީ ވެސް ގެރިން ލިބޭ ކިރު ބުއިމަށް ބޭނުންކުރުމާއި ފަލަބަލިއަށް ހުށަހެޅުމާއި ގުޅޭގޮތުން ކޮށްފައިވާ ދިރާސާތަކެކެވެ.

ދަ އެމެރިކަން ޖާނަލް އޮފް ކްލިނިކަލް ނިއުޓްރިޝަންގައި ޝާއިއުކޮށްފައިވާ ހޯދުންތަކުގައި ވާގޮތުން މި 28 ދިރާސާގެ ތެރެއިން 18 ދިރާސާއެއްގައި ވަނީ ލޯ ފެޓް ކިރު ބޭނުންކުރާ ކުދިންނަށްވުރެ ފުލް ފެޓް ކިރު ބުއިމަށް ބޭނުންކުރާ ކުދިން ފަލަބައްޔަށް ހުށަހެޅޭ މިންވަރު 40 އިންސައްތައަށް ދަށްކަމަށް ފެނިފައެވެ.

ބާކީ ވި 10 ދިރާސާއިން ފުލް ފެޓް ކިރު ބުއިމާއި ފަލަބައްޔާއި ދެމެދު ގުޅުމެއްވާ ކަމަށް ނުދެއްކި ކަމުގައިވިއަސް، މި 10 ދިރާސާގައި ލޯ ފެޓް ކިރު ބުއިމާއި ފަލަބައްޔާއި ދެމެދު ގުޅުމެއްވާ ކަމަށްވެސް ނުދައްކައެވެ.

ގުޅުންހުރި ލިޔުންތައް

ފަހުގެ ލިޔުންތައް